مواضيع اليوم
العلة فى قلبى المشغول -- قصيدة بقلمى
السلام عليكم احبتى فى ايلاف
اعود اليكم مجددا فى هذه المساحة لاقدم لكم قصيدة
بعنوان (( قلبى المشغول )) وهى من كتاباتى اكيد
نقول فيها
العلة فى قلبى المشغول ... اللى مش لاقى ليه حلول
العلة فاشواقى المدفونة ... اللى خلت روحى مرهونة
بين ايديه ونا مفتونه ... بغلاه اللى معاى يطول
مستنى يبعث مرسال ... يخبرنى عن كيف الحال
حتى انكان غيابه طال ... قلبى بغرامه مشغول
بيفكر لو غاب على ... وتباعد ماعاد يجى
انى ننسى حبى ليه ... وغلاه فقلبى بيزول
لكن نحلفله بحياتى ... حتى لو بتحين وفاتى
انه يبقى كل حياتى ... ومن غيره ماهو مقبول
هكى قلبى لما يحب ... يتعب مانلقاله طب
جروحه بتزيدله تعب ... حب وفى دمى بيجول
صعبة جدا لو ننساه ... والاصعب كان تلاقينا
لو ننسى تجينى ذكراه ... بينى وبين جفاه تحول
العلة فى قلبى المشغول ... اللى مش لاقى ليه حلول
والتحية للجميع
التعليقات (0)