العدل فين؟ "نادر الأسيوطي"

 العدل فين "كلمات نادر الأسيوطي"

العدل فين يا اخوانا

لما المجرم يبقي طليق

والسلطة الحاضرة الغايبة

بالنسبة لنا جايبة الضيق

والشرطة سايبة المجرم

ينهب يقتل عامله صديق

والجيش واقف يتفرج

لو يدَّخل يلقه زعيق

والكوسه لسه بخيرها

وبتتطبخ مع التزويق

والناس لو يوم تتظلم

تلقه قضية بالتلفيق

والواسطه عشان أمريكا

دي مزيكا وحاجه تليق

والمصري ولا ليه قيمه

سعره يدوب شوال بدقيق

العدل جبنه قديمه

والله وحشنا تاريخ وعتيق

العدل تاه عن دربه

واحد ضربه ضل طريق

الحال لو يوم يصلّح

تلقي الدنيا أحلي رفيق

والصاحب ما يخون صاحبه

تلقي المجرم قلبه رقيق

والعدل هوه الغايه

هو الحق بشكل دقيق

"كلمات نادر الأسيوطي"