العار كلمات نادر الأسيوطي

 العار "كلمات نادر الأسيوطي"

تلاتين سنة يا بلدي بيحكموكي أشرار

لابسين قناع العدالة وحكمهم بالنار

نهبوا وسرقوا ولادك وربنا شايفهم

لو يوم ولادك صحوا رح يمحوا ذل وعار

قَطّْع وفرق وما تنسي نصيبي يا جزار

خصخص ووزع ف خيرها علي شلة المختار

عزبة وسراية ملكها والكل عبيده

ربك دا سيده هو منتقم جبار

ملايين يوماتي تتسرق و م الدهب قنطار

وآدي الأراضي تتوهب لجنابه بالهكتار

وابن البلد ينجلد لو يوم طلب حقه

تلقي قضايا متفبركه وعلي قهره فيه اصرار

يا شعب مصر التقي يا ناصر الأخيار

لملم شبابك سوا  و وحد الثوار

انسوا الخلاف الغبي واصحوا للعبة

يا إما تبقوا  عبيده يا إما "م" الأحرار

كلمات نادر الأسيوطي