مواضيع اليوم
الشهادة لله
الشهادة لله
رابح التيجاني
الشهــــــــــــادة للــــــه
ومـــا بغيــــــنا والـو ،
الزيــن وحــدو خــــذاه
وقـــــــال ليـك ديــالو ،
ما خـــــلاشي لســـواه
غير شويا بقـــــــــالو،
والحق يا نـــاس معاه
فيــــــن تلقى بحـــالو ،
وزعما حتى يلا تــــاه
ما عندك ما تســـــالو ،
قمر ضـوا سمــــــــاه
والنجــــــــوم ذبـــــالو،
وشحـــــال حلـوة الآه
يلا كـــانت مــــــــوالو،
نعمة مـــن مـــــــولاه
وفضل مـن فضــــالو ،
سبحان ربي عطـــــاه
وهــــاب جل جــــلالو ،
هو خلقــــــو وبغـــــاه
يكــــون زيـــــن مثالو،
العين شـــــــايقة تراه
تقرا سرار جمـــــــالو،
والقلب تــــالف فهواه
وفرحـــــان بهبــــــالو،
والعقل غـــــــادي وراه
هــايم ماعرف مـــالو ،
بروحنـــــا حبيــنــــــاه
وعشقنــــا دلالـــــــــــو،
نشــــــــوف سر بهــاه
ندعي ونتمنـــــــــــالو،
غــــزال ومدحنـــــــــاه
وكتبنــا و قلنــــــــالو ،
لكن مـــــاشي معنــاه
الطمع جــــــــابنــالو،
خليــــــــــه تيهـــو داه
أنا فقلبي خيــــــــــالو،
يكفي منو رضــــــــاه
يلا صعاب وصــــالو ،
الشهـــــــادة للــــــــه
وما بغيــنا والــــــــــــو.
التعليقات (0)