الشعب يريد عوده الرئيس

الشعب يريد عوده الرئيس

غدا جمعه العوده .. غدا ستخرج مصر عن بكره ابيها شبابها وشيوخها وأطفالها ونسائها سواء كن متزوجات او ارامل أو مطلقات ..

مسلمين ومسيحيين وعلمانيين وسلفيين وأخوان و صوفيين

الجميع سيخرج الي الشوارع والميادين هاتفين في صوت واحد .....

الشعب يريد عوده الرئيس

الكل بكره ها يعتذر للريس ونقوله أرجع يا كبير ملناش غيرك والله تهبنا و أختلافنا من بعدك

الله يرحم ايامك عمرك ما حملتنا هم أستفتاء أو انتخابات ولا قاعدنا نقول هانختار مين مش زي دلوقتي واحد يقول البرادعي وتاني يقول موسي وتالت يقول بسطويسي

والله كنت مريحنا من مسئوليه الاختيار أصل ما كنش قدمنا غيرك ولا غير ابنك

أرجع علشان مسيره التنميه والتقدم اللي كانت بتحسدنا عليها الدول التانيه داه احنا كنا ولا اللي عايشين في سويسرا وكندا . تعبنا من بعدك يا كبير والامن راح ضاع

فين ايامك لما كانت الشرطه مظبطه الشعب تدخل القسم كأنك داخل فندق خمس نجوم وياسلام لو قابلك أمين شرطه في لجنه ولا كمين أيه الادب والأخلاق اللي كنا بنتعامل بيهم حاجه متتوصفش .

احنا شعب طماع رئيسنا مبارك ورئيس وزارئنا نضيف ووزير داخليتنا حبيب هالاقي فين ناس وصفات زي دول.

أرجع ياكبير حقك علينا أعتبرنا (مع حفظ المقامات ) زي عيالك .. عيال وغلطت وعرفنا غلاطنا ما الحق عليك بردوا أصلك دلعتنا زياده عن اللازم فلوس وفلل وعربيات وأطيان وأملاك وكل صيف بنسيب البلد ونروح اوربا وامريكا أحنا عيال سيس وولاد تيييييييييت

أرجع ياريس وحقك علينا و سامحنا عن اي اساءه أو اتهام . وماله يعني لما أمنت مستقبلك ومستقبل عيالك ووزرائك بشويه فكه كام مليار داه كله من خيرك وأحنا بسم الله الفلوس عندنا زي الرز من سياحه وزراعه وصناعه وقناه سويس واهرامات وسياحه

بكره الجمعه 8أبريل كل الشعب المصري هايخرج في جمعه عوده الرئيس

وهانردد ونهتف ونقول

الشعب يريد عوده الرئيس

والشباب السيس بيعتذر للرئيس