الســؤال …. المعقد ..!

بين الثمر والغصـن وكفـوف الآمـال
أقطفنـي آخــر مابـقـى لاتــردد

كفنـي كفوفـك ووسـدنـي أجـيـال
وأجمـع متاهاتـي قـبـل لا تـبـدد

عشمني أنك نـور، فـمقابـل ظـلال
وأكسر ظلام أنسان سجنـه مـ شـدد

ما عاش (كيف) إلا سقط موت فنجـال
حتـى ذنوبـه عنـه راحـت تصـدد

صافح رصيفـه ب اختناقـات مـوال
وقّبّـل بقايـا السـور قبـل ايتهـدد

في صفحة أنقاضه رسم بعض الأزوال
ووجيه فـي ظلمـات حلمـه تحـدد

سكين جرة كذب وأصوات خلخـال
وصـدور حتـى فـي فضاهـا تنهـد

أنثى ظلام وصمت وذهول رجـال
ولحظات مـن بعـد المسافـه تخـدد

صيّر إجابات السهـر ومضـة سـؤال
من أنت؟.. يـاروح السـؤال المعقـد

وأحفى ضمير الحرف لمجابـه الحـال
على رجـا الحاجـة ذنوبـه تعبـد

أنا موانـي ريـح وأنقـاض وأطـلال
وديـرة تعداهـا المخـيّـل وتنـقـد

وأنا حكاية صمـت وصـراخ جهـال
وسمـا تعشمهـا السحـاب وتلـبّـد

وأنا فتات الصدق فحلـوق الأعمـال
واطراف شاطيء جـل موجـه تزبـد

ضيقي سعه، وإلا سعة ضيق وأغـلال
أفكار فـي صـدري تمـوت وتجـدد

عزفـت بأنفاسـي تباريـح رحــال
وعلى رجـا التاريـخ رحـت أتـودد

إهمال ومقابـل دروايـش وإجـلال
ووجيـه فيغـاب الأمانـة تـعـدد

نبرة فرح تُخنـق بكفيـن تمثـال
وأمة علـى نعـش الوضاعـه تمـدد

وأغصان شوك وسدرة البدء والفـال
ومكابـرة نظـره (عمـاهـا) تـلـدد

من أنته..؟ أمطرني على خدود الأطفال
لعـل خطـوات.. احتياجـي تـسـدد

من أنت..؟ لا تحكمني اقـوال وافعـال
خذني على دربـك .. خواطـر توقـد

وزملني الضيقه.. من الحـال للحـال
وأكتب على قبـر الحقيقـة… مؤبـد