الرجل لم يمت

الى كل من لم يعش شبابنا فى زماننا ..الى كل الشباب اللذين لم يعايشوا زمن جاهين اهدى اليهم بعض من اشعارة
.اقرؤها.افهموها عيشوا معانيها فتشوا عن اجمل ما فى الحياة
فالاشعار لم تمت والرجل لم يمت  : صلاح جاهين

انا كل يوم اسمع..فلان عذبوة.. واتوة ..اسرح فى بغداد والجزاير..معجبش م اللى يطيق بجسمة العذاب....واعجب م اللى يطيق يعذب اخوة........... عجبى
ياطير يا على فى السما طظ فيك...متفتكرش ربنا مصطفيك..برضك بتاكل دود..وللطين تعود..تمص فية يا حلو .....ويمص فيك ......... وعجبى
يا عندليب ماتخافش من غنوتك..قول شكوتك..واحكى عن بلوتك..الغنوة مش حتموتك...كتم الغنا هواللى حيموتك........ وعجبى
غمض عنيك وامشى بخفة ودلع...الدنيا هى الشابة وانت الجدع....تشوف رشاقة خطوتك ..تعبدك...لكن انت لو بصيط لرجليك..تقع ! عجبى
الدنيا اوضة كبير للانتظار..فيها ابن ادم زية زى الحمار..الهم واحد مشترك والملل..بس مفيش حمار بيحاول الانتحار...... عجبى
بحر الحياة مليان بغرقى الحياة...صرخت...خش الموج فى حلقى ملاة...صرخت..قالوا مفيش قارب نجاة..غير بس هو الحب قارب نجاة.... عجبى
انشد يا قلبى غنوتك للجمال.وارقص فى صدرى م اليمين للشمال..لبكرة سعيد مهوش بعيد تفضل دة كل يوم..فية الف الف احتمال..... عجبى
يا حزين يا قمقم تحت بحر الضياع..حزين انا زيك واية مستطاع..ياجدع الحزن مبقالوش جلال..الحزن بقى زى البرد زى الصداع. عجبى
انا قلبى كان شخشيخة اصبح جرس..جلجلت بية ..صحيوا الخدم والحرس..قمتوا لية؟ خفتوا لية؟ لا فايدى سيف ولا تحت منى فرس... عجبى
ايش تطلبى يا نفس فوق كل دة..حظك بيضحك وانت متنكدة..للبشر ردت قالتلى النفس..: قول ميبوصوليش بعيون حزينة كدة... عجبى
انا اللى زى عمرى اشتياق فى اشتياق وقطر داخل محطة فراق.... ..قصدت نبع السم..وشربت سم.من كتر شوقى وعشمى فى الترياق... عجبى
اوصيك ياابنى بالقمر وبالزهور..اوصيك بليل القاهرة المسحور. وان جيت فى بالك .اشترى عقد فل لاى سمرا ..وقبرى اوعك تزور.... وعجبى