ايها السادة/
الربيع العربى ام الربيع  الغربى:
السياسيون من جميع المذاهب والطوائف والملل والنحل والاحزاب...اقول لكم وبكل صراحة (عمى عوضين)(وخالتى فاطنة))لا دخل لهم بما (تلتونه وتعجنونه )من رغى وكلام فاضى . هؤلاء الناس مشاكلهم كانت فى رغيف الخبز النظيف الصالح للادمى..و(بخ)الميه من الحنفية و(دنشة)الزفت او القطران اللى اسمه الكهربا..ا لان ترشيد الحكومة لاستهلاك الكهرباء (حرق)موتورات ثلاجاتهم البسيطة و(حرق)لمبات الكهرباء و(حرق)اجهزتهم البسيطة وحرق معها قلوبهم من الهم والزعل وكمان (قطع) حتة الميه من الحنفية . .فى شارعنا فقط والكلام على مسؤليتى اكثر من عشرة بيوت تضررت بحرق اجهزتها الكهربية ولمبات الكهربا وعندما ذهبوا لشراء قطع غيار او تجديدها وجدوا السوق (يحرق)اعصابهم وجيبوهم التى بها الا القليل من الاموال و(الباشاوات ) مازالوا يتحدثون فى قضايا حتى وان كانت مهمة للدولة لكنها ليست مهمة فى ذهن عمى (عوضين) وخالتى (فاطنة)الذين لم يجدوا لا الكهرباء ولا الماء فى بيتوتهم وعندهم (اعويلات)بيذاكروا فى الثانوية العامة . وعاشت مصر فى حرية ومساواة وديمقراطية وسلموا لى على (الربيع العربى)وياترى هو (بالعين)ولا(بالغين)هذا (الربيعغ)(العربى)ام (الغرب)؟.
محمداحمدخليل حسب الله .
الشربينى الاقصرى.
مصر/الاقصر/الكرنك/والزينية بحرى.
شاهد الموضوع الأصلي من الأقباط متحدون في الرابط التالي http://www.copts-united.com/Article.php?I=1565&A=97218