الديك انطق -شعر- زجل-

قصيدة زجلية

الديك انطق

فالصباح ...

شافني الديك و صاح

أفيق أصاح

ماتبقاش مخدوع

لي راح...راح

قلبك مات

ماشي موت الصح

مات بالعذاب

و عيا مسكين بالجراح

مالك داير كي القشة ؟

تمشي و تجي مع الريح

مال قلبك هكذا ؟

جمرة كايدا...

تكويك بغياب

حبيبك لي راح

رحل و مشى معول

و عليك انت ما يسول

أصاح...

شفتك مغير علي ؟

ما اعطتيني لا ذرة و لا قمح !

ملي غاب حبيبك

ما بقيتيش مرتاح

خصك تحمد الله و تقلب

على شي وحدة حنينة

و تيقولو !مسكين دا مسكينة

و تهنات المدينة

كنتوا كاعدين على الصداع و النكير

و هي غير ما زايدة فالتقزدير

من الناس اللي دابز كيتصالح

و انتومة حربكم نايدة

عوافيها شاخدة

هذا سبان ، و هذوا جراح

قنابلكم كلامكم

و اللسان ،ما بحالو سلاح

و دابا سمحلي الى نطقت

كلامي صحيح و لا قريب للصح

و تيقولوا اللي قال الحق

يتسمى حمق

و اللي عرف الصح

ما يسوى ما يصلاح

عبدالحق حباب