الدنيا

الدنيا ضحكة رايحة وهربانة
اتريها كدبة بتسرق هوانا
بايدها تشبك وعمرنا معاها
وبناسها قادرة وجبارة
وقلوبها قاسية وغدارة
والطيبة في القلوب منهارة
ضحكتها من صوت الحجارة
والحب فيها حكاية ورواية
عنيها عامية ومش شايفانا
بتسرق نصيبنا بمرارة
وهيا فانية وكلنا معاها
دي دنية واطية وعملة حكاية
والبسمة فيها خسة وندالة
نظرتها لينا من غير دلالة
الناس بتبكي وهيا فرحانة
وناس بتفرح وهيا نعسانة
اتاريها صاحية وعاملة غلبانة
بتضحك علينا وهيا فهمانة
وسامعة وحاسة وعارفة الي جوانا
وبتحرق قلوبنا بنور شقانا
وهيا راحية ومش رجعانة
ونقول عليها هيا الي ويانا
و كتافها متحملة وشايلانا
اتاريها هيا الي غدارة
ووشها من غير امارة
وايديها عامله زي الاشارة
وتسيبنا نقع من غير ستارة
هيا اية اصل العبارة
معانا ولا محتارة
اتاريها رابطانا بدبارة
وعايشة علينا عوالة
بنبي فيها وهيا هدامة
وتوعدنا وهيا سرحانة
مفيش يوم شاكرانا
ولا حتي شبعانا
مأنسنها وعلطول وجعانا
اتاريها ملهاش لازمة
بتفتنا بكل لذة
وتضربنا من غير معزة
وموقعانا في كل همزة
سبحان الله رب العزة