الدستور"نادر الأسيوطي"

 الدستور "كلمات نادر الأسيوطي"

دستور يااخوانا دا لازم

ينبع أصلا  م الجمهور

لا تقولي دا واحد صيّغه

أصله قانوني ودا مشهور

وبنوده لازم حتماً

تبقي صريحه مش بالزور

والمادة التانيه دي ثابته

فيها اللعب يا اخويا محظور

والشركة اللي ما بينا

حُب الدولة ودا دستور

ونفَعَل دور المجلس

بالصلاحية وياخد الدور

ونقلل دور الريس

لحسن يرجع تاني مسعور

واخوانا في الوطنية

دورهم كامل مش مكسور

عايزينه تغيير شامل

بالترقيع حيبان العُور

والكل لابد يشارك

يدلي برأيه لكن بالدور

والشعب المطحون ياخد

حقه بزمه يا إمه تغور

دي سنين وعجاف عايشنها

حتي الظلم عاش مقهور

ونحرم "وعشان خاطري"

"أنت عرفني" وألف طابور

ونحقق الشفافية

والحيادية تكون في النور

والشعب بالحرية ويّا العدل

يعيش مستور

والدور الغايب يحضر

وأنت يا مصري تعيش منصور

وحضارة مصر الغالية

أنت رائدها عبر عصور

وبكدا نكون لخصنا

وادي مطالبنا جوه سطور

"كلمات نادر الأسيوطي"