الجنيه المصري والعجوز الذي كان مصري

قلت لصديقي الجنيه المصري لقد فقدت قوتك يا صاحبي ولم تعد لك قيمة مثل التي كانت من قبل!!... لقد كنت أشتري ببعض منك كيلو من اللحم الفاخر وأنت الآن لا تساوي أربع قطع من الطعمية العادية أو طبقا صغيرا جدا من الفول المدمس!!
....لا تقل هذا فأنت المسؤول عن ضعفي وهزالي!! ....
.... أنا؟...كيف؟.....
....أنت لم تعمل على المحافظة على
قيمتي العالية وأوصلتني إلى ما أنا فيه!! لقد كنت أساوي أكثر من جنيه ذهبا
....صحيح ولكن....لماذا تقول أنني مسئول عن ضعفك هذا؟
....طبعا ألقي عليك باللوم فأنت لم تطور صناعتك ولم تتقدم في علمك وحتى أنك طردت أبناءك الناجحين والحرفيين المهرة والعلماء وساحوا في الدنيا الواسعة طلبا للعملات الأجنبية المحترمة ... وبسبب سفهك لم تحافظ على ثروتك الطبيعية وبعتها بأرخص الأثمان واستبدلت بي كل أنواع العملة الأجنبية حتى صرت أنا بلا عمل إلا في داخل القري والمدن وليس بين الدول مثل باقي العملات!! وأيضا تسببت في قتل أولادي الثلاثة وأوشكت على قتل الرابع!!
...هل كان لك أولاد؟...
....نعم بنتان وولدان!!!
من كانوا أولادك؟
....بنتان واحدة اسمها خمسة قروش والأخرى عشرة قروش وولد اسمه ربع جنيه وما بقي على قيد الحياة إلا ابني الأكبر الأستاذ نصف جنيه ولكن للأسف هو الآن مريض جدا وعلى وشك الموت!!!
....
....لا حول ولا قوة إلا بالله!!...
.....الله معني هذا أنك لك أسرة!!
طبعا بالإضافة إلى أولادي فوالدي هو عشرين جنيه وأمي خمسة وجدي خمسين وجدتي مائة وأم جدي مائتين...
....يعني جدتك أكبر من جدك...نعم (أصله كان واخدها على طمع عشان أغني منه)
...إسمع يا أستاذ جنيه... أنا ممكن أخطب لك ليرة لبنانية وتخلف منها اولاد وتعمل أسرة جديدة!!
يا رجل ليرة لبنانية !! دا أفقر من الجنيه السوداني والدينار العراقي!!!
.....يعني مش ناوي تتجوز؟
....تقدر تجوزني روبية هندية ؟؟؟
....ما ترضاش بيك !!
....خلاص.... يا رب حسن الختام !!
...إيه هو انتو يا فلوس بتموتوا؟
.... نعم هذه هي سنة الحياة عندنا فنحن (في بلاد العرب) نولد ثم نصغر ثم تذهب صحتنا ويصيبنا الضعف والهزال مثلكم أيها البشر!!
.....(لكن قل لي!! أولادك ماتوا قبلك !! يعني انت ممكن تموت قبل ابوك وامك وجدك وجدتك!)
(..طبعا دا شيئ طبيعي!!)... الصغير عندنا بيموت قبل الكبير مش زيكم يا ولاد آدم ....
....أقولك يا جنيه! إنسي اللي فات وتعالى نعمل اتفاق جديد!!
....لا يا عمي انت ما لكشي أمان إنت السبب في كل مصايبي وبعدين انت كمان عجزت وبقيت جلدة على عضم...بعد ما كنت في شبابك تجري زى الحصان وترفع الأثقال وبتشتغل في أشق الأعمال البدنية وتكسب كتير...دلوقتي انت ما تقدرش ولا تعرفش هههههه
.....يا قليل الأدب خلينا في موضوعنا...!!
.....طب خلينا في موضوعنا....
....أنت تذهب إلى البقال وتشتري لفافة تبغ وتشعل فيها النار ثم تسحب الدخان في صدرك !! صحيح؟
....صحيح!!
....طيب هل هناك عاقل يفعل ذلك ؟ دا لو قرد عمل كده ها تضحك عليه لما تموت من الضحك!!
...يا أخي خللي القرود تضحك علينا!!
....هما فعلا بيضحكوا عليكم لما يشوفوكم في جنينة الإنسان بتدخنوا.. ...قصدي جنينة الحيوان!!
....قلت لك خلليك مؤدب!!
....طيب آسف
يعني بتقول الإنسان مجنون؟
....طبعا هو انت لو تشتري لك سنارة وتروح تصطاد سمك تنتج والا ما تنتجش؟
...طبعا أنتج ودي حاجه معقوله!!
...طيب لو تشتري لك زجاجة بيبسي الربح هايروح فين؟...عند أعداءك ...صح؟
...صح!!
...طيب فيه عاقل يدفع للعدو عشان يفضل هو فقير؟
..يا أخي انت عايز تقول اني سفيه؟
...أنا ما قلتش!!! أنت اللي بتقول!!
....الله!! يعني احنا بنعطل إمكانياتنا ولا نشتغلش وكمان ندفع أموالنا للأجانب
...صح آدي انت فهمت أخيرا!!...
....يعني قصدك فقرنا من عقولنا
...طبعا أنت ما سمعتش الصعايدة بيقولوا ما فيش فقر لكن فيه توهة رأي؟
....أيوه سمعت الحكمه دي
....طيب وأولادك ليه مثلا ما يتعلموش ويبقوا خبراء في الكمبيوتر ويبيعوا برامج للي عايز بملايين من أحسن العملات؟
...مش عارف الناس ما بتاخدش بالها من الحاجات دي ليه!!
...مش قلت لك توهة رأى!!
..إسمع!!... الكلام معاك مش هايفيد أصلك بقيت عجوز ولو قلت لأي حد يعمل كذا أو كذا ها يقولك طب وانت ما عملتش كده ليه؟
...أيوه! الأحسن أسكت واحافظ على كرامتي!!
...يعني تحافظ على كرامتك ولا تنصحش اولادك؟...
...الله !!!حيرتني يا أخي أقول والا ما قلش
....تقول والا ما تقلش الموضوع فلت من إيدك!!
...طب أعمل إيه؟
...تروح انت بنفسك تشتغل أي حاجه من اللي تقدر عليها وربنا يساعدك وياخد بإيدك...لكن قول لي!
...إيه؟
....لسه فاكر شبابك وعنفوانك؟
طبعا...هي دي حاجة تتنسي؟...كانت أيام!! ...ولكن ساقي الآن لا تكادان تحملاني وأعتمد على العصا لأسير بل حتى لمجرد الوقوف!!!
.....والآن دعنا من حديثك الممل وأعطني للبقال وخذ منه باكو (بسكوت) أو(كراتيه) يناسب أسنانك المتآكلة!!
...ولماذ تريدني أن أعطيك للبقال؟
....يا أخي تعبت من البرد في جيبك هناك سوف أستدفئ مع إخواني الكثيرين!!
(..يخرب بيتك دا انت عاقل وحكيم)
....طبعا لأنني أتنقل بين كل الجيوب ومنها جيب المتعلم والحكيم والغني والفقير والطبيب والعالم والموظف والحرفي الماهر,....,....,.... وأتعلم من الجميع
....ويا أخي (العاقل) لا تدعو على بخراب البيت فبيتي الآن هو جيبك وإذا خرب فلن تساوي أنت شيئا!!
.....يا سلام!!!
....( طبعا....معاك جنيه تساوي جنيه مش معاك حاجة ما تساويش حاجة يا .....................)
قال الجنيه جملته الأخيرة بالعامية وإن كانت ليست فصحى لكنها للأسف في نظر كل الناس فصيحة