الجمرة وعنقود العنب!

قالت أبي رحله مهي رحله على هـام السحـب
....قلت ابشري با اللي تبينه يـا منـاي ومطمعـي
يا مسافره ترى الدروب طـوال والرحلـه تعـب
.....رحله غريبه واغرب الرحلات ما كانـت معـي
قالت توكلنا على الله مـاش مـوت بـلا سبـب
...ترى اطيب الاسباب لا صرت السبب في مصرعي
قلت ادخلي عقلي وتلقيـن العجايـب والعجـب
......وليا طرى لك كنسلي حجزك وعـودي واقلعـي
واخذت تذاكرها ومـرت بيـن عينـي والهـدب
.......وانا قفلت رموشي الثنتيـن باطـراف اصبعـي
مرت سنه بشهورها وايا مهـا واللـي حسـب
.........فترة غيـاب المترفـه دقـات قلبـي واظلعـي
لا جا لها طاري تعـود ولا طـرى لـي ارتكـب
.......بعض التهور والغي الرحله واقول الها ارجعـي
الصيف مر وجا الشتـا والجـو تبـدل وانقلـب
.......صار الدفا برد وهربـت مـن الخيـال لواقعـي
ما عندي الا شالهـا والنـار ووجـار الحطـب
.....والضحكه اللي من سنه عيت تفـارق مسمعـي
يا هل ترىترجع وهل هذا الحضـور المرتقـب
.....يصبح حقيقه والغياب يموت وانشـر بـه نعـي
وفي ليلة فيها الثوانـي جمـر والساعـه لهـب
.......جتني وانا ما بين فتـرة يقظتـي والـلا وعـي
تمشي على استحياء والفستان من فوق الركـب
.......قلت الله يحييك فـي مصيافـي وفـي مربعـي
بغيت اعاتبها وقالت لـي بضحكـه (لا عتـب)
.....عندي حكي من عام مرهقني ومقلـق مضجعـي
قلت اخبريني قالت التاريـخ لـو حـدث كـذب
.......ما قال كل اللـي بعقلـك يـا الاديـب الالمعـي
لقيت فيـه اهـرام واصنـام وتماثيـل ولعـب
.......والهيكل المزعوم نايـم حـول عـرش التبعـي
واشعار ابن زيـدون مـع ولاده ومجلـس ادب
......والجاحظ المشهور يقرا فـي كتـاب الاصمعـي
ولقيـت دار الحكمـه وفيهـا ملاييـن الكتـب
......والفين مخطوطه لابـن بطوطـه ولـم تطبعـي
واجمل كتاب اعجبني اصلا ( معجم لسان العرب)
.......قلت العرب وين العرب يا مـن يقـول ويدعـي
راحو طعام جحوش بين اللي ذبح واللـي نهـب
........واللي شرى له يخت في جنوى وقصـر مربـع
واللي يظلل جيل كامـل بـا الدعايـه والخطـب
..........الراعـي المسئـول راقـد والرعيـه(لا رعـي)
حسبي عليك الله ما جبتي معـك غيـر التعـب
..........رحتـي وكدرتـي برميـه خاطئـه مستنقعـي
قالت تقرب والمـس الجمـره وعنقـود العنـب
........مير احترص لا تحرق الجمره شفـاك وبرقعـي!