مواضيع اليوم
البلد مابقتش بلدنا
البلد مابقتش بلدنا
والمال مابقاش مالنا
والحال مش هو حالنا
ولا دى هى أخلاقنا
هو أيه اللى جرالنا
مالنا يا خلق مالنا
أيه غير أحوالنا
راحت فين أحلامنا
وخابت ليه آمالنا
فين ثروات أجدادنا
فين شهامة ولادنا
فين مجد الفراعنة
فين الورق أبو مدنة
يا ناس دى بلدنا جنة
وممكن فيها نتهنى
مش بس نتمنى
يبقى ليه نستنى
ليه كاتمين آلمنا
ليه سكت كلامنا
ليه انكسرت أقلامنا
ليه كترت أورامنا
ليه ده وده ينهبنا
ليه ليهم سايبين حقوقنا
دى الحياة دى أبسط حقوقنا
والخير لسه خيرنا
يبقى ليه نسيبه لغيرنا
أضف تعليق
آخر الأخبار من إيلاف
من صوري
فيديوهاتي
التعليقات (0)