الاقزام

الاقزام قصيدة عامية

ابعدوا عنا يا خلق كفاية ..
ابعدوا عنا يا خلق حرام
الحرية فى عرض البحر تموت ..
بالذمة يا خلق دا أسمه كلام ..؟
صبح الشرق العتبة الواطية ..
وولاد صهيون هما الحكام
ريحة الدم مبتزعلش ..
الا ان كان الميت م الحكام
فين الامة وفين حكمها .. ؟
النايمين ف قصور امريكا
اللى اتساقوا كما الاغنام
اللى الذل مليهم ..
واللى راهبهم يوم صدام
فين حكام الامة .. ؟
اللى اتباعوا ف تل ابيب ..
كما الاقزام
فين العربى وفين الناصر ..؟
فين الوحش الاسد الكاسر ..؟
الصهيونى ف اوضة نومى ..
الصهيونى ف خيط هدومى ..
هبى يا أمة يللا وقومى ..
دى الاعمار بيد الله
اللى نسيتوا انه كبير ..
اللى نسيكم لما نسيتوا ..
ورحتو تنادوا بحق الفيتو ..
وزى ما رحتوا .. زى ما جيتوا
يلا يا امة هبى وقومى ..
اتحدى مرة واحدة كفاية
لجل ما تبقى عروبة وتدومى
يلا يا امة انفضى حكامك ..
مش عايزينهم تانى حكام
مش عايزين حكام الجبن مليهم
مش عايزين حكامنا يكونوا ابرام ..
مش عايزين حكامنا صهاينة
م اللى اتباعوا ف تل ابيب ..
كما الاقزام
منتصر سلطان محمد
اسوان
Monty_sol@yahoo.com