اكسر قيودك

اكسر قيودك                      

قوم يا قلبى اكسر قيودك إيه هيقدر يمنعك

وابتسم واحلم  لبكرة خلِّى الكون ده يسمعك

خوفك ده من بكرة أصله مش هيقدر ينفعك

ولا الحنين لذكرياتك ممكن ليها يرجعك

لا كل من  يبتسم فى وشك يبئى ناوى يخدعك

ولا اللى جَرَحك لما سابك كان فى باله يودَّعك

أصل فيه حاجات كتيرة ياما بتتوه عننا

وبنفهمها بعد فترة لما بيفوت عمرنا

يبئى تمحى كل ذكرى من جواك بتوجعك

وخللى الخوف من الله وحده هو  بس يدمعك