مواضيع اليوم
اغلي من حياتي
اغلي من حياتي
اشتقت لوجودك اشتقتلك وحشني صوتك احتجتلك
ولقتني من بين كل الناس اخترتك انت عشان احنلك
حنيت لايام دلعنا ايام ماكان لحياتنا معني
لما كنا بنبكي من غير صوت وكان لينا قلب يسمعنا
ولو كنا متنا سوا مكنش ابدا جرح يوجعنا
وحشتني ياحبيب عمري اشتقتلك يا كل عمري
وحشتني كل حاجة فيك وحشني حتي دلعي عليك
وتقبل دلعي بالضحكة وساعات ترد مكانك ايديك
وفي الحالتين ببقي مبسوطة والقي نفسي بموت اكتر فيك
كنا نزعل يدوب ثواني ونرجع نضحك سوا تاني
مبنعرفشي نزعل من بعض لان كل واحد منا بيكمل التاني
بس انت اتغيرت قوي حساك بقيت اناني
صدقني مش زعلانة منك ولاحتي بعتب عليك
انا عارفة اني كنت اقرب الناس اليك
بس هو ده نصيبنا ان الدنيا تبعدنا
وقدرنا قال كلمته وضاعت كل وعودنا
انا عارفة مالكشي ذنب وانك بتحملي اقوي حب
بس اللي انا بتمناه مايضعشي مكاني في القلب
مش قصدي ازعلك ولااقولك كلام يجرحك
وصدقني لو قولتلك ان كل املي افرحك
بس انا صعبانة عليا ايامنا اللي مش هترجع
حتي لو عشت عمري كله ابكي وعيوني تدمع
ياحبيبي داانت حياتي لا..اغلي من حياتي
لوحتي بقيت ذكريات هتبقي اجمل واغلي ذكرياتي
داانت نبض قلبي داانت نور عيني
ولومهما غبت عني اكيد بتحن لسنيني
عشان انت مش حبيبي ولاحد عرفني كام يوم
انت حتة مني انت اجمل مقسوم
ايوه ايام زمان مش هترجع ومش هيجمعنا تاني مكان
بس هتفضل في قلبي اعز واغلي انسان
اهداءالي......
اكثر من احببت في حياتي.........
من له الفضل اني مازلت علي قيد الحي بعد ربي.........
خالي محمد( medo )
صاحب ومالك القطة
أضف تعليق
آخر الأخبار من إيلاف
من صوري
فيديوهاتي
التعليقات (0)