اصل نباتي وصور تراثية

عوني عارف ظاهر

2011-04-20 15:42:14

قبل كل شيء اردت ان اعمل تعديل هنا ففقدت الموضوع كاملا بخلل فني يبدو انها عين ما صلت على النبي هههه

الحلاوة الموسمية وتطلي القرع /يقشر يبرش يطبخ مع السكر والماء ويؤكل عادي او ملفوفا بعجين القمح بالزيت

وقبل مئات السنين كان الناس في فلسطين يستخدمون الطرق البدائية لعصر الزيتون من ثمار الزيتون البد ،ولكن في العراء ...

وخبز الطابون من القمح البلدي

و 60 يوم ويبشر الصبر ..انها فاكهة الصيف بدون منازع ولو كثرت الفواكه ...

وسوق عكا القديم بعطوره وبخوره واعشابه وقد اطلقت عليه بلدية عكا قبل شهرين اسم سوق الشيخ الظاهر عمر الزيداني

ويمكنكم ان تشاهدوا صورة نادرة جدا للأميرة موزه اميرة قطر وهي صغيرة

حب الأرض... والتراث واجب

طلعة زجلية بقلم الاستاذ سعيد عبدالله مشاقي

أوف...أووف ....اوف .....أوف .......

غنى هالبلبل الشادي ...ونغماته الحلوة بتقول ....

أنسى أرضي أنس بلادي لالا لالا مش معقول ،،،

يا وطني غالي عليّ /// أغلى من قلبي وعنية/// الحلاوة الموسمية /// محلى القرع بالمفتول،،،

أنسى أرضي أنس بلادي لالا لالا مش معقول...

غالي يا تراث اجدادي /// ساكن قلبي والفؤاد /// بهوى التلة بهوى الوادي /// بعرق أجدادي مجبول ///،،

أنسى أرضي أنس بلادي لالا لالا مش معقول...

ما أحلى الدبكة الشعبية /// وعندي فرقة أميرية /// والأهازيج الشعبية /// والشبابة واليرغول،،

أنسى أرضي أنس بلادي لالا لالا مش معقول...

بدي صورة في الديماية /// والحطة على راسي غاية /// بلكي بنعلي هالراية /// وبنحافظ على الأصول ،،

أنسى أرضي أنس بلادي لالا لالا مش معقول...

بطرب على صوت المهباش /// فدائي وبيده رشاش /// الدنيا بعده مابتسواش /// وطعم القهوة شو مقبول ،،

أنسى أرضي أنس بلادي لالا لالا مش معقول...

صب القهوة بالفنجان /// وقدمها ل هالضيفان /// ديماعمران الديوان /// وأهلاً وسهلاً بنقول ،،

أنسى أرضي أنس بلادي لالا لالا مش معقول...

يا ابو عارف يا أصيل /// يا ضاوي ظلام الليل /// هذا سابع مستحيل /// إذا بنسى ، أنا مهبول ،،

أنسى أرضي أنس بلادي لالا لالا مش معقول...

شو بدي انسى يا ابن العم/// أرضي مجبولة بالدم /// مستعمر اسكت وانخم /// سيف الياصيدي مسسسلول،،

أنسى أرضي أنس بلادي لالا لالا مش معقول...

ما بنسى أيام البد /// أيام السهر والكد /// شو تعبوا بيي والجد /// تا سلموني الحقول !!!،،

أنسى أرضي أنس بلادي لالا لالا مش معقول...

أيام البيدر أيام /// يا سلملم يا سلام /// كانت عيوني ما تنام /// وجدي يدرس ع الخيول ،،

أنسى أرضي أنس بلادي لالا لالا مش معقول...

أيام الفزعة والعونات /// ما أجملها من أوقات /// مرة حراث ومرة القاط/// حتى يلتم المحصول ،،

أنسى أرضي أنس بلادي لالا لالا مش معقول...

كانوا الناس موحدين /// شو بساطة... وحبابين /// على العيشة مبسوطين /// وما فيهم واحد مذلول ،،

أنسى أرضي أنس بلادي لالا لالا مش معقول...

بسأل رب العباد /// يحفظ أهل هالبلاد /// ولي بعمل الفساد يا ربي يبقى مشلول ،،

أنسى أرضي أنس بلادي لالا لالا مش معقول...

وبختمها ابو عبدالله /// دوما بطلب من الله /// يعز شعبي ويتعلى /// وبرجى من ربي القبول ....

ومن هنا اتابع انا اخوكم عوني ظاهر على نفس اللحن والطلعة

أوف...أووف ....اوف .....أوف .......

لبيتك آ خي سعيد ...واقف بالوضع العتيد... إسمع سجعي والقصيد ....انا بدون وانت تقول

أنسى أرضي أنس بلادي لالا لالا مش معقول...
آتيتك شبيك لبيك ..يرحم جدك مع والديك ... والنشامى حواليك ...عدوك راكب لفلول

أنسى أرضي أنس بلادي لالا لالا مش معقول...

وربعي انا ما بنساهم ...دمي وروحي كرمالهم ... ايش اسوي معاهم ... مابرحل انا مش مسطول
أنسى أرضي أنس بلادي لالا لالا مش معقول...

بتذكر لنير والناطح ....والحراثه والفلايح ...قبل الشمس انا سارح ...بزرع للقمح والفول
أنسى أرضي أنس بلادي لالا لالا مش معقول...

بتذكر صوت البلبل ...وصوت الراعي واليرغول ... ونعجات ومعها اسخول ...وانا راكب احلى لخيول
أنسى أرضي أنس بلادي لالا لالا مش معقول...

حملت ستي جرة زيت ....وحطتها بقاع البيت .....واسقتني حتى ارتويت ...واكلت التين المعسول
أنسى أرضي أنس بلادي لالا لالا مش معقول...
محلى الحطه والزنار ... لما يلبسها ختيار ....والعباية والوقار ...تخيل همة لفحول
أنسى أرضي أنس بلادي لالا لالا مش معقول...

ستي راحت تخبز بالطابون ...قعدت بجنب الحنون ...اصلو الطابون مدخن ...بنزل طبخت مفتول
يا رب رب العباد ... عم الظلم والفساد ...ساقا الله ايام الواد ....والجرباله والحالول
أنسى أرضي أنس بلادي لالا لالا مش معقول...

يا رب هداة البال ...لا نسمع قيل ولا قال ... الي بدو بظلو مثال ....بلادي واحة للعقول

أنسى أرضي أنس بلادي لالا لالا مش معقول...
ساق الله يوم كنا احرار ..بنتقاتل مع الاستعمار ...نلتم شب وختيار ..ما بنعاني من لعلول
أنسى أرضي أنس بلادي لالا لالا مش معقول...

والاخ رقم 9 هكذا يشير الى نفسه يشاركنا بالطلعة للمره الثانية ونرحب به وارجو ان يعرفنا على اسمه المره القادمه كل الاحترام

- ما أنسى أيام البلاد // فيها كل الإعتداد // ما أرضى أبقى ع الحياد// لازم للتراث أقول ...

أنسى أرضي أنس بلادي لالا لالا مش معقول...

- ما بنسى أنا المرحان // في حبو قلبي ولهان // المخبة و خلة سليمان //ع المرجمة خيي مدلول...

أنسى أرضي أنس بلادي لالا لالا مش معقول...

- من قمة ابو النمل // هالديري إلها أصل // بالفراق و بالوصل ... على المودة قلبي مجبول ...

أنسى أرضي أنس بلادي لالا لالا مش معقول...

- ما بنساك يا بلد // فيك ربيت وانا ولد // ابو عارف مثل الاسد //كريم يا ابن الاصول ...

أنسى أرضي أنس بلادي لالا لالا مش معقول...

- يبكي قلبي ع الديري //عمري كلو في حيري // بعلم بنتي الصغيرة // ايش الواجب ايش الاصول ...

أنسى أرضي أنس بلادي لالا لالا مش معقول...

- إشتقنا لشمال الحي // الشيخ ليوان نابض حي // قهوة مع كاسات المي //تداوي القلب المعلول ...