اشتاق

اشتاق وتشتاق ..
واشتقت واشتقت
اشتاق لكلماتك والحانك
ونبرة صوتك المزعج
ولحظه من الفرح وياك
وارجع للحزن لحظات
اشتاق للجفا ساعه..
واشتاق للقا ساعات
واشتاق ....
للي شاقني واشقاني
واشقى خاطري وياه
وهو ساهي وانا مشتاق
ويرجع ويدور اعذار
ويقول انا مشتاق
لكلماتك وضحكاتك
وخفة دمك احيان
وعبراتك
وكل ابيات من نظمك
بتكسرها
واوزانك وبحور الشعر
على شانك بسميها
وارتبها
واعدلها
وقيفانك بها معجب
انا ماادري يشوفني قمه !!!
واشوفه قمة جبالي
ومدي وجزري
وسهلي وودياني
غريبه هذي الاشواق
تسحبنا ونجاريها..
بدون احساس نماشيها
واذا قلت فيه ابيات ....
من شعري ارددها ويرددها
وانساها ويرددها
يذكرني حروف قد كتبت وقلت
وانا ناسي ومتناسي
وترجع كل اشواقي
تذكرني قسى غيابك
اه لوتدري عن اشواقي
ترى شوقي واشواقي
لك من دون خلق الله
ومن اشواقي
لك دموعي ابنثرها
ترحب بك تهلي بك
بتسأل ليه هالغيبه؟
وتوضح لك هالعيون اللي بكتك..
وهلت الدمع بقدومك
وشلون عانت في غيابك؟
وشلون سهرت هالليالي ؟
وشلون كان الشوق فيها؟
فيها وكم حلم ؟
وكم امل ؟
وكم لحظه فيها خيالك؟
وشلون كانت الذكرى تعذبني
انا من كثر هالاشواق
اخاف تصبيني عله!!
انا اقدر واتقدر..
بقدر الناس وغلاهم
حبيبي ….
اللي من سبايبه اشتقت
تعب قلمي وهو ينزف
بدا لون الحبر يبهت
وتعب قلبي من التعبير
وبدت فيني الجروح تزيد
ومن شوقي صرت القاك
بااحلامي وكتاباتي..
وافكاري واشعاري
وخواطر كاتب مجنون
يشتاق للحظة خاليه من الشوق
ويشتاق للشوق لاغاب في لحظة

نسمة عشق