مواضيع اليوم
ازاي يا وزير المالية ، راح أعيش بألف ومية
ازاي يا وزير المالية
راح أعيش بألف ومية
ايجار وكهربا وميه
ومعاهم قسط البطانية
يبقي فاضل من الماهية
حوالي كده خمسمية
شوية لوازم علي أدوية
وكمان طلبات للولية
ويبقي خلصت الماهية
لا جبنا بصل للتقلية
ولا حتي أكلة ملوخية
ولا كام قرص طعمية
مش دي خيبة قوية
نفسي في ماهية مكفية
تعيشني عيشة هنية
من غير ما أمد ايديا
ولا تحفي رجليا
هو ده كتير عليا
ده حق من اللي ليا
أعيش عيشة أدمية
أحس بالأنسانية
يسترها عليك وعليا
أضف تعليق
آخر الأخبار من إيلاف
من صوري
فيديوهاتي
التعليقات (0)