ارفع بنطلونك

ارفع بنطلونك

قالوا عنه دنجوان
شاب عصري وسيم كمان
قالوا فلته وقال بيقولوا انه فنان
وكتبه فيه شعر كمان
قالوا شاطر!!!!!
شيئ غريب
قالوا ساحر!!!!!
شيئ عجيب
حبه حبه يقولو شاعر!!!
ومش بيعيد يقولو طبيب
وعازف جيتار وعازف كمان
الغريب زيه كتير من الشبان
والي اغرب انهم قالوا انه زينا انسان
والحقيقة انه فعلا مش مجرد شخص عادي
ولا حياته شيئ بسيط او سمعنا عنه في الماضي
ولا ذكر في كتب التاريخ
اما لندرة وجوده او المؤرخ كل بطيخ
الخلاصه هو مين
يمكن انت او انت مش مهم هو مين
هو تافه بلطجي فاشل وخايب
واكتر شيئ يفهم فيه انه يجلب المصايب
نافش ريشه شبه الديك
بنطلونه من الخلف نازل ويقولو الواد ده شيك
لو قلت خنفس
الاقيه بيرقص
كاني بقله الله يخليك
ياريت امك يوم ميلادك قعدت عليك
الله يعافينا من الي زيك وندعيلك انه يشفيك
كنت اظن الجهل نقمه
ودي الحقيقة
واكتشفت انه نعمه
بدلت رايي في دقيقة
بص لنفسك في المراية
الي قلته مش حكايه
ولا انا بالف رواية
ميهمنيش رايك ايه لو عليه او معايه
يهمني انك تتغير وتبقي راجل
تشوف مصالحك وعلشانها تناضل
مش تعيش عمرك فاشل
يا فاشل يافاشل وكمان يافاشل
ارفع بس البنطلون
والحياه عليك تهون
وجسمك بيفقد دهون
وحياتك هتبقا مليون
او تفضل عايش في الجنون
الناس بيضحكو عليك وانت بس بنفسك مفتون
بص لنفسك في المراية
الي قلته مش حكايه
ياابني ارفع بنطلونك
واسترخي من غير تقييد
واشتغل في الشمس يسمر لونك
انشالله يرب في الحديد
ودي تكون مظاهر رجوله
اطلع من شرنقة الطفولة
اما عن معني الرجولة ده عنك بعيد
بس ارفع بنطلونك بعدين تعال استفيد
ارفع يا ابني البنطلون عشان احس اني بكلم راجل
وبعدين نتكلم ونتحاور ونتناقش ويمكن نتجادل

بقلم محمد سالم
تحياتي  لكم

منقول من موقع الشعر العربي الخاص بي