احبيبى اصاحبى

فى يوم قابلنى صاحبى قام سالنى انت ايه

طبعا فهمت من سؤاله هو عايز يعرف ايه

بس يعنى كنت حابب استعبط عليه

رحت قلت وانا راسم البراءة تقصد ايه ؟؟

قاللى يعنى انت بتشجع دلوئتى ايه

وبنفس البراءة قلت الاهلى .. بتسأل ليه

قاللى أخضر ولا أصفر انت مش فاهمنى ليه

قلت يعنى تقصد لونى المفضل هو ايه

اه فهمتك انا الازرق طول عمرى اموت فيه

لو لمحته فى اى شئ اجرى على طول اشتريه

لسة بكمل لقيته علا صوته واحمرت عنيه

قاللى اخوان ولا سيسى بتهرب من سؤالى ليه

قولتله ايه هو ميسى هيلعب ماتش ولا ايه

طلع من جيبه شئ خفت لايضربنى بيه

لقيته فجأة غز نفسه وانتحر ..

معرفش ليه ؟!