ابو الهول و سجن طره

أبو الهول و سجن طره ..
السلامو عليكو يابا الحاج أبو الهول ..
إزيك كيديه وإزاي لَحْوال .. لَهونتا مادريتشي , مش السَوْره جامَت ف البلد ..؟
الناس كُلاتها دَورَت عليك ف التحرير لَحَد شافك ولا حَد سِمعلك صوت ..
إيويه شكلك شين جَوي , الناس كُلاتها كات فاكراك سَورجي ..
بس آني جولت للناس ف البلد أبويا الحاج أبو الهول كان جاعِد يُحرس لهرامات لحسن الحراميه يسرجوهم ..
ماعلينا .. آني جايلك النهارديه ف موضوع كيديه ولامؤاخذيه إستسماري ..
حلمك عليا يابا الحاج أبوالهول ..
هِلوجتي الكُبارات كُلاتهم مِشرّفين ولامؤاخذيه ف سجن طوره ..
والسياسه بتاعه البلد جَبْل السوره كانَت كُلاتها بتشجع لستسمار والسياحِه ..
ركز ويايا يابا الحاج ..
هلوجتي العالم كُلاته والسَحافه عينهم ولا مؤاخذيه عَ سجن طوره ..
آني بجول يعني لو ليك سِكه وتعرف تخصخص سجن طوره والمزرعه بتاعته وياه وتعمل فيه مشروع إستسماري ..
لأ يابا الحاج أبو الهول ..
إستسماري يعني ولامؤاخذيه يُبْجا إسمه بورطو طوره والا فور سيسون طوره والا ستِّي ستار طوره والا جردينيه طوره والا ستيلا دي طوره موزَمبيك طوره
إيويه .. هِيّا المُستنجعات ديان بتاعه الكوبرات اللي ماليه البلد ..
حلمك عليا يابا الحاج أبوالهول ..
أول هام هِلوجتي كل نفر م الكُوبرات المساجين دولَم ح يحجز جَناح بعساكره وظباطه لحسابه , إيويه م المريارات بالهبل ..
تاني هام كُل أَسبوع فيه زياره للبهوات المساجين وديه ح يكون يوم عيد , إيويه عيد ..
إنت تخلي الزياره بدزاكر .. إيويه الدَزكره بألف جنيه للنفر ..
إيويه ألف جنيه هما دافعين حاجه من جيبهم ولامؤاخذيه كُلاتها فلوس الشعب اللي نهبوها ..
وكمان ممنوع منعا باتا حد يدخل أكل للبهاوات المساجين وتعمل الوكل بألف جنيه ف اليوم ..
وكمان المشاريب بألف جنيه , النفر اللي عاوز مانجه إديله مانجه واللي عاوز فراوله إديله فراوله وسمعهم غنيوه الفراوله بتاع الفراوله , بس خلي بالك لجتماعات ممنوعيه إلا بتسريح منك والتسريح بألف جنيه للنفر وخصوصي للجماعيه بتوع السياسات ..
بس إربع توجع ف التورعه وتخلي أحمد عز يعملك الموازنه العامه للمُستنجع لحسن يوديك ف داهيه زي م ودا البلد كُلاتها ف داهيه ..
وكمان ممكن تِعمل مشروع إبني زنزانتك للكُبارات كل نفر إتنين متر وربع ف متر وستين سنتي وهم يبنوا علي مزاجهم وبيع ليهم المتر بماليون جنيه وإعمَل حسابك البيه نظيف ديه طويل حبتين والبيه عز جوزعه ممكن تاخد من عز متر وتديه لنظيف علشان يعرف يمدد رجليه أصل عز ديه محتاج نص متر ف نص متر بس ..
وكمان تدفعهم دم جلبهم ضرائب ورسوم ودمغات .. النفر اللي يوجف يدفع الف جنيه ضريبه وجوف والنفر اللي يُجعُد يدفع الف جنيه ضريبه جُعود وطوابع شورطه وطوابع نقابه محامين ونقابه مهندسين ومعونه شتا واستمارات وكشوفات وكافه ماكان م اللي كانو بيكععوه للشعب ..
وإوعي تنسي تخليهم يتبرعو لسداد ديون مصر ..
تالت هام إنت ح تشجع السياحِه .. السواح اللي بيروحوا ولامؤاخذيه شرم الشيخ ييجوم علي طوره لاند واللي عايز يُغطوس حِدانا التورعيه يُغطس فيها واللي عايز يتشمس نشمسه واللذي منه ..
واللي عاوز يتسور جنب البهاوات يتسور بألف جنيه ..
أُمال إيه يابا الحاج أبو الهول هي ديه السياحه ولستسمار اللي علمهولنا خليهم يجربوه شويه ..
إزيك بجا ..
أستر ع الكُبارات كُلاتهم يارب ..
مجدي المصري