ابو الهول و الزفاف الملكي

أبو الهول والزفاف الملكي ..
السلامو عليكو يابا الحاج أبو الهول والا اجولك هاللو عليكو ..
إيويه .. شوفت لِفراح والليالي لِملاح , جتنا نيله ف حظنا الهباب ..
البرنس وليم بيجوز ف لندن النهارديه ..
لأ .. بيجوّز كِت ..
لأ .. هيَّن إسمها كِت بلنجليزي مش كِت يعني بِسه ..
الباشيه أبو العروسيه أجر لوكانديه ف لندن وعمل فيها ليله الحِنِه ..
لا .. دبَح جوز جديان إنجليزي علي كيفك ووكل المداعي , وحنوا العروسيه واللذي منه ..
اللذي منه وخلاص .. عيب إختشي يابا الحاج أبو الهول ..
لأ .. الدوخله إنجليزي , إنجليزي وخلاص .. ديه دي
المُهمَن يابا الحاج أبوالهول الناس كُلاتها ف لندن بتحكي إن الحاجه أم شارلز
لأ .. أم شارلز دي الست الملكه ست العريس .. إيويه أم أبوه لما جَعدت تِتَفِج ويا أبو العروسيه جالت إحنا عيله مالكِه , إيويه م بندفعشي مهر , والشبكه خاتم , وإحنا علينا الجَصْر وإنتم عليكم الجهاز ..
لأ .. جصر سته وعشرين أوضه أبو العروسيه يفرشهم كُلاتهم , ويتخرب بيته , اُمال إيه مش ح يناسب العيله المالكه ..
بس يابا الحاج أبوالهول والنبي الفرح ديه يشرح الجلب العليل الرجاله كُلاتهم لابسين البدل الدرنجوت اُم ديل والبتاعه الصغيره دي ع الجميص ..
لأ .. بيتهيألي والعلم عند الله ليهم فيها مآرب أخري ..
والا العساكر لنجليز شكلهم يفرح بالأفارول الميري لِحمَر والزمبيل لِسود الطويل ع دماغَتهم ..
لأ .. الزمبيل ديه عشان يحطوا فيه التعيين وهمن ف الخِدمِه ..
والفرسان لنجليز ع الخيل والنبي فكروني بالفيلم بتاع صلاح الدين والملك رشتار , إيويه لما رشتار ديه كان عيان وصلاح الدين راح زاره ف الخيمه ..
شوفت يابا الحاج المداعي جرايب العروسيه وهمن جايين الفرح ف مكروبازات ..
لأ .. مش مكروبازات لالف مسكن , مكروبازات لندن ..
لأ .. واللا جرايب العريس جايين ف عربيات فِخمه روز رويس مكيفه ..
لأ .. الست الحاجه الملكه جت ف حنطور سته حصان إنجليزي , يمكن البنزيم غالي ف لندن والست الملكه بتوفر ..
المهمن يابا الحاج المداعي العرب كان شكلهم يفرح وكل نفر منهم لابس الدشداشه السكلمان والغطره لنجليزي ..
بس والنبي آني زعيلت ع الأخ العجيد إمعمر الجدافي , كات فرصه يروح الفرح ديه بالخيمه بتاعته ويوجف ف لندن ويجول زنجه زنجه , بس الخطوه نصيب ..
لأ .. البيه رئيس وزرا لندن محضرشي الفرح , أصله بيحضر ويا مجلس لامن عشان يضرب سوريه ..
المهمن يابا الحاج أبو الهول المداعي كلاتهم نجطوا العرسان , وكل نفر ومجامه , اللي نجط ب ميت جنيه إنجليزي واللي نجط ب ألف ..
لأ .. المداعي العرب نجطوا بجمال وخرفان وعيش مرحرح ومكرونه ورز وصابون لوكس ..
لأ .. قناه الحصيره ف سوريه هلوجتي , الأمير هون اللي راح ..
لأ .. شعبولا بتاعنا مش ح يغني ف الفرح , حيداهم هُمَن شعبولا إنجليزي ..
لأ .. شعبولا بتاعنا ناوي يترشح لرياسه الجمهوريه ..
لأ .. هلوجتي بيغني .. إيييييييييييييييه ح أترشح للرياسه واكون إنسان جديد وابطل الهيافه والبس سروال جديد وإإإإإإإإإإإإإإإإإيييييييييييييييييييييييييييه ..
أستر ع مصر كُلاتها يارب ..
مجدي المصري