ابو الهول و الجاسوس الاسرائيلي

ساااالخير يابا الحاج أبو الهول ..
آني جايلك النهارديه وآني مبسوط علاوليه ..
إيويه .. وجاي أبسطك ويايا , إشمعني إنت يعني هونتا شخ عليك الغراب واللا شخ عليك الغراب , دانتا مواطن زي أي مواطن بس جديم حبتين ..
إنشكح يابا الحاج أبو الهول مش إحنا جبضنا علي جاسوس إسرائيلي ..
إي والنبي جاسوس إسرائيلي بشحمه ولحمه وحيداه أنيميا كمان ..
والناس كلاتها فرحانه علاوليه أصل اليهودي ديه طلع مجرم إبن مجرم ..
لأ .. ده اليهودي المجرم ديه طلع هون السبب ف كل البلاوي التي بتحصول ف مصر من بعد السوره م جامت ..
لأ .. الجرانين كلاتها كاتبه إن المجرم الأنوي ديه هون السبب ف اللي حوصل ف إمبابه ..
إيويه هون اللي زر بينات المسلمين والمسيحيين ..
لأ .. الست عبير بتاعه إمبابه طلعت بريئه مش هي اللي حرضت السلفيين ..
واليهودي المجرم ديه طلع هون اللي بيحرض الناس ع الجيش ..
وهون كمان اللي كان بيخطب ف لزهر ويحرض الناس ..
لأ والأكاديه إن الفسل ديه كان ف التحرير ويا المتظاهرين وشايل يافطه آل إيه مع السوار ..!!
المهمن يابا الحاج أبو الهول الفسل ديوان كان ناوي يروح للسوار بتوع ليبيا شوفت الفُجر .. !!!
بس يابا الحاج أبو الهول الجرانين بتجول لما ظبطوه كان وياه السي دي إيوه السي دي , أصل ولامؤاخذيه الجماعه الجواسيس دولم بيبجا وياهم حاجات بيجسسوا بيها , زمان كان الجاسوس من دولم وياه ولا مؤاخذيه حبر سري إي والنبي سري , ولاسلكي سري وحِداه نضاره سوده إيويه عشان يبجا جاسوس حتما ولابد ولازوما يكون حداه نضاره سودا , أُمال إيه مش جاسوس والعياز بالله
المهمن يابا الحاج الدُنيا إطّورت , إيوه إطّورت هلوجتي الجاسوس من دولم وياه سي دي بس ومفيش وياه نضاره سوده وبيروح التحرير ويجول الشعب يريد اسكاط النظام , شوفت يابا الحاج المكر بتاع الجواسيس , لأ وآل إيه بيروح يُخطب ف لزهر ..
بس علي مين إحنا عارفين الحاجات دي كُلاتها وكشفناه بس بعد إيه .. بعد إمبابه ما ولعت ..
المُهمن هلوجتي أمريكه بتجول الواد ديه مش جاسوس ولا دياولو وإسرائيل بتجول الواد ديه مش شغال ف الموساد ..
آني بجول نجيب الواد ديه ونخليه يحلف ع التوراه أنه مش جاسوس ولو حلف وكدب حا يروح النار وهون رايح رايح ..
إزيك بجا ..
أستر ع مصر كُلاتها يارب ..
مجدي المصري