ابو الهول و اراضي وزاره الاسكان

العواف عليكوم يابا الحاج أبو الهول .. إزيك كيديه وإزاي لحوال ..
لا .. آني جايلك النهارديه خُصوصي ف موضوع بِزبِز إيويه بِزبِز مان ..

نِعمِله شيركيه آني وإنته ..
حِلمَك عليا يابا الحاج أبو الهول شويه .. ديه دي ..
الموضوع كُلاتُه آني وإنتيه نِعمِل شيركيه ونسميها شيركيه أبو الهول باشيه وشريكه للسياحيه ولستسمار العَكاري .. إيويه العَكاري ..
وبعدين نِجدِم طلب لوزاره لِسكان .. إيويه بِسم الشيركيه عشان تِخصخَص لينا ماليون متر متربع ..إيون أرض اُمال جُماش .. ديه دي ..
أرض فضا وتكون بحريه بَرْبَع نواصي كمان اُمال إيه ..
لا .. ما تِحمِلشي هَمْ آني محوّش الف وسبعميه وعشرين جنيه .. والحكوميه معندهاش مانع وبتجول إدفع اللي ويّاك هِلوجتي والباجي حين ميسره ..
اُمال إيه الحَكوميه بتشجع لستسمار العكاري ..
لا .. الحَكوميه ح تاخد الالف وسبعميه وتسيب لينا العشرين جنيه .. إيويه لستسمار العكاري بيصرف ياما .. إيويه بيصرف ياما ..
لا .. م تحملشي هَمْ بعد م نستلم وَرَجْ الخصخصه م الحكوميه ح نروح علي بنك "البركه فيهم"
إيون إسمه البركه فيهم ناخد كرض إتنين تلاته مريار ونبتدي لستسمار..
لا .. ح نعمل شويه إعلانات ف التلافزيون ونصّور كام موزيِّه بيبلبطو ف الميه والطمبوشيه ورا منهم ..
ونجول حيدانا فِلل وشُجج مِفتِخريه ف المشروع وحيدانا كمان سوبر ماركن ومول للنسوان تشتري منه وحيدانا كمان تدليك وسركوزي والذي منه ..
المُهمَن نُجبُض ومن إيدين الناس نبني المشروع ..
لا .. فلوس البنك ديان نُحطها ف بنوك بلاد برَّه .. والناس هُمن اللي ح يسدو فلوس البنك ..
لا .. تمن الارض حين ميسره .. الحكوميه مش مستعجله وبعدين هون تمن الارض كام يعني ؟
الماليون متر دولَم تمنهم ماليون جنيه .. يعني لو بعنا ميت متر يجيبوم الماليون جنيه ..
مش جِصه يابا الحاج .. بس حين ميسره ..
إزاي كل ديه يحصول ..!!!!!
ديه كلام يابا الحاج أبو الهول .. اُمال إنتا أبو الهول إزاي ..روح إسأل ف وزاره لسكان...
أستر علينا كُلاتنا يارب
مجدي المصري