ابو الهول وايلاف

ازيك كيديه يابا الحاج ابو الهول وازاي احوالك....شكلك كيديه مش عاجبني مسهم وواخد علي خاطرك … بس الناس كلاتها حدانا ف البلد حاسه بيك بس كيديه والعلم عند الله وان بعد الظن اثم ان الجماعه البهاوات بتوع ايلاف دولم قرفانين منك علاوله وما عدوش بيحطولك تصويره والا مقال في المواضيع المختاره اللي علي الواجهه

والناس كلاتها خايفه تلم خلجاتك وتروح تدور علي حته تانيه تقعد فيها … بس اني عايز ولا مؤاخذه اقول لك الناس لبعضيها يابا الحاج ابو الهول … يمكن الجماعه واخدين علي خاطرهم منك شويه والا واحد ابن حرام وقع بيناتكم … وانت برضك مش ليك غير ايلاف والعشره ما بتهونشي وايلاف ديه برضك زي الست امك بس ولا مؤاخذه عندها عيال ياما ...الله يكون في عونها حاتاخد بالها من مين واللا من مين … وانت برضك طول بالك واللي عند ربنا ما بيروحشي واوعي تلم خلجاتك وتروح تقعد في حته تانيه

استر علي ابو الهول يارب