ابو الهول والخشخاش

ابو الهول والخشخاش ..
السلامو عليكو يابا الحاج أبو الهول .. إزيك كيديه وإزاي لَحوال ..
والنبي مَ جادر أكْلم علاوليه الدونيا صيام والحَكوميه بتأدب ف الشعب كُلاته ..
إيويه .. جاطعه الكهربا والميه كمان عشان النفر من دولم يكفر ف الحر الموت ديه ويسب الدين يجوم ربونا م يتجبلشي منه صيام والشعب كُلاته يخش النار ..
الا جوللي يابا الحاج السنادي م روحتش ليه موائد الرحمان .. تكونشي مستني مائده الويحديه الوطنييه ..
إيويه عشان كلاتها أكابر وإنتيه م الأكابر واللحميه كُلاتهيه “أورجاني” يعني خاليه م الكيماويات والمبيدات ..
ما علينا ..
آني جايلك النهارديه خُصوصي أجولك علي خبر كيديه سمعته ف البلد ..
هون صحيح اللوحيه بتاعت الفنان المشهور "بان خوخ" إتسرجت م المتحف اللي ف الزمالك
الناس كلاتها بتجول إتسرجت .. إي والنبي إتسرجت ..
فيه ناس بتجول إن المتحف ديه كان طالب م الحكوميه 29 ماليون جنيه للتطوير ..
لا التطوير مش التصوير .. يعني ح يطوروه .. زي كيديه لما حيدانا ف البلد بنجول طور يجولوا إحلبوه .. يعني ح يركبولوا جرون .. لا للمتحف مش لبان خوخ ..
لا مش عشان ينطح .. عشان يستشعر بالحراميه ويبجا مِتطور .. إي والنبي مِتطور
المُهمَن الحَكوميه رفضت .. والناس بتجول إن اللوحه ديه اللي إتسرجت تمنها 5.5 ماليون دورار يعني 29 ماليون جنيه بالتمام والكمال همن دولم أجره التطوير .. ويا دار م دخلك شر والحكوميه م تدفعشي حاجيه علاوليه .. وبعد التطوير باقي اللوح اللي ف المتحف تتطور واحديه ورا واحديه ..
وفيه ناس تانيه ف البلد بتجول إن المعلم حوكشيه بتاع الحشيش سمع إن فيه خشخاش ف المتحف .. حاكم اليومين دولم الحشيش اللي في السوج كُلاته مضروب جام باعت إتنين من صبيانه سرجوا اللوحيه ..
والناس كمان بتجول إن المعلم حوكشيه جطع اللوحيه جروش ونصاص وإربع وإتمن عشان يبيعها للجماعيه الكييفيه ..
إيون خللي الشعب يتكيف أمال إيه بلا بان خوخ بلا يحزنون ..
استر علي يحزنون يارب ...
مجدي المصري