ابوالهول و النائبه الحامل

العواف عليكُم يابا الحاج أبو الهول .. إزيك كيديه وإزاي لحْوال
إيويه .. آني عارف إنك ح تطُج م الفرحه والشعب كُلاته ح يطُج م الفرحه
لأ .. إسمه العُرس الديمقراطي
لأ .. عُرس ديمقراطي يعني الحيزب هوَّن العريس والشعب كُلاته ولامؤاخذيه العروسِه وربونا تمَمْ بالخير .. إيوَن تَمَمْ بالخير وكفايه كيديه عيب إختشي
المُهمَن هِلوجتي آني جايلك ف موضوع كيديه بخصوص المجلس المُوكَر
لأ .. خير إن شاء الله هُوَن مجلس الشعب بييجي من وراه الا كُلِّتها خير
الناس حيدانا ف البلد بتكَلَم عن الست النايبه ولا مؤاخذيه الحِبْلِه
لأ .. الحيزب عارف إنها حِبْله ونجْاها من وِسْط النسوان عشان يُبْجا المجلس مِتشَكَل من كل أطياف الشعب
الناس كُلاتها بتجول لازم البيه فتحي أبو سرور يغير اللايحِه ..
وهل يستوي اللذين يحبلون واللذين لا يحبلون .. إيون الشرع بيجول كيديه
لازم الست النايبه الموقره الحِبله تختلف عن البيه العضو الموكر اللي مش حِبله .. أُمال إيه
لازم يكون ليها ولامؤاخذيه أجازه وضع وجَبْل ما البيه فتحي أبو سرور ما يوافِج ليها ع أجازه الوضع لَزوما يمضِّيها علي موافجه علي كُلاتها تصويت جاي بدل م يبعت لها نفر ع البيت تصوتله ..
وكمان لازم تولد بموافجه تلتين لعضاء .. وكمان لو جابت ولد تسميه موافج ولو بنت تسميها موافجه ولو توأم تسميهم موافجون .. إيويه وتولد كمان علي نفجه الدوله .. وكمان تاخد لبن أطفال مدعم
لأ .. لما تجوم بالسلامه وترجع المجلس يعملوا كارنيه عضويه للبيه الصغير إبن الست النايبه يدخل ويخرج بيه م المجلس
أمال إيه لا يستوي اللذين يحبلون واللذين لا يحبلون ..
الناس عامله مظاهره وبتجول .. اللايحه لازم تتغير
إزيك بجا
أستر علينا كلاتنا يارب
مجدي المصري