إستفتاء أم إستهزاء!!!

إستفتاء أم إستهزاء!!!

على تلك الصفحات البيضاء ... و التي دائما و دوما نقرأها ... و التي تنقل لنا الخبر بحلاوته و مره ... و تنشر لنا صورا احيانا جميلة و احيانا اخرى ليست كذلك ... و بدورنا بقينا نقدر و نثمن دور احد وكالات الاعلام ... و بقينا نحترمها و نمتدحها و لكن ذلك لم يعجبها ... فعندما ترى الكل من حولك و يمدحك ففجأة تبحث عن شيء او تنشره ليبعد الناس عنك و عن موضوعيتك و مصداقيتك ... فوجئت برسالة وصلتني اما على ايمالي او على جوالي و فوجئت ايضا بمكالمة فائتة من أعز و أفضل الأصدقاء لدي و قرأتها و أكملت يومي عاديا كأي يوم و لكن كان اليوم التالي مختلفا ... و جاءتني رسالة اخرى ... شكرا رأفت ... أنا اليوم وصلني معلومات انه لدي نقاط كثيرة و احتمال أفوز فيها ... و بالضغط على زر(رد) على جوالي سألته ما هي ... فرد علي برسالة و قال عنا في البلاد في استفتاء و يا ريت تعمم الاسم على اصحابك (معارفك كثر) .... و بدأت أفكر فصيديقي هذا و هو من ذات سنين عمري لم ينجز شيئا في حياته و لم يبني بيتا او حتى انه لا يمتلك عملا فكيف سيفوز في الاستفتاء و من اي باب سيفوز... اهو من باب الفشل ام من باب الامل ام من باب المزاح ... فعدت و اتصلت به و قلت له اترك الامور لاهلها و انا قرأت استفتاءات كثيرة في حياتي و عادة الاستفتاء تكون اجاباته بنعم او لا فقط ... مع أو ضد ... و يطرح بغرض او لهدف عام أو لمصلحة عامة ... اتتذكر يوم كنا ننادي بالاستفتاء للخروج من الازمة ... قال لي نعم و كلامك صحيح ... أنا أعتذر فعلا أنا مش مصدق إني رايح (ممكن) أفوز بس الناس و الاصدقاء.. وعدوني خير و خلاص تا أنجز أشي او القى وظيفة او القى عشاء اليوم بحاول ...

و لكني أنا و أعوذ بالله من قول أنا ... قرأت و حللت ما جاء من أسئلة في الاستهزاء عفوا الاستفتاء الموجود على الصفحة العنكبوتية و قلت سنجد أجوبة لكل سؤال ... خاصة و أن 11 سؤلا جاءت لتسأل القارئ عن أفضل شخصية في شيء معين و الخمسة أسئلة المتبقية كانت نوعا ما الغير شخصية ...يعني وطني هو أشخاص فقط؟ الا ان احد الاشخاص في اجابته على سؤال افضل بلدية ... اجاب للوهلة الاولى قائلا أحمد او أسعد او غسان و بجوز جيليت؟ و لم يدرك ان هناك فرق بين البلدية و رئيسها و للاسف كان يفكر ان هناك انتخابات يوم السبت القادم و كان معترض و هالمواطن الغلبان بدو اياها يوم الاحد عشان يكسب يومين عطلة يوم الاحد و الاثنين حفلة اللي بفوز ... هاك بقانا في الجامعة ...

و هالإستفتاش نسبة الى فتاشات الإنتخابات لم نجد به سؤالين و هما من أفضل رئيس و من أفضل رئيس حكومة ... هل الناس اليوم بتلقى أمن و سلام و بكرة بتلقى ثورة و إنتقام و يا ترى ليش ما في سؤال مين أحسن العيشة في الدفة ام العيشة في خزة... و ليش هالإستهتار ما سألش مين بدخل الجنة اولا اللي من شرقه ام اللي من غربه ... و يا ريت نقدر نجاوب و لو بدنا نجاوب مين أفضل شخصية سياسية ... بالاسم معروفة اني هي ... بالفعل الحمد لله ما فش ... و اذا طورنا لغتنا العربية للي بعرفو عربي بجوز يطلع شيء اخر ... و شو هو أصلا معنى شخصية ... شخصية جديدة ام مهرية ... شخصية قوية ولا بتخاف من خيالها مش من خيالها ... و يا ريت كل الناس اجاوبوا ع هاض السؤال ...  اذا طلعت النتيجة بصالح حدا من البالي بالكم شو بصير باللي نشر الاستفتاء ... يعني اذا مطلعش العريس اللي بدوش يحضر العرس كله ... و بعدان شخصية مستقلة ... من وين يا حسرة هو ظل حدا مستقل ... الكل محزب و المستقل الوحيد مات ... و يا خراب بيتنا ... كل هالخراب و هالدمار اللي احنا فيه و بدكم تروجوا لشخصية حزبية ... ليش... عشان مين ... من الاخر مفش شخصية حزبية مسؤولة منتبهة و متأهبة... ! و شخصية حكومية في اي حكومة قصدكم في حكومة عبد السلام ام في حكومة اسرافيل؟ اه .. ممكن القصد حكومة الوحدة اللي اعدمت بفعل النضوج و الوعي السياسي ... ام الحكومات العشرة اللي قبلها ... طيب مش في ناس ماتوا منهم بجوز يزعلوا و منهم بجوز انه في الجنه صار و هس اذا خسر بروح على النار ... حرام... خاصة انه النار ما فيهاش ولا وزير بس الغفر!... شخصية ثقافية أكيد موجودة و المشكلة أنها شخصية ماتت بس راح نبعث النتيجة للاموات و لها مع افضل شخصية و شركة اقتصادية عشان بتنقل الموتى و بتكلمهم بأسعار منافسة و ممكن كمان مش بعد الحياة الاولى و الثانية ... بعد الثالثة عشان اعرف أسرقك و أضحك عليك مش معك ...شخصية فنية ... في أي موضوع (أغاني، حداية،مسرح،فلافل، السياقة مش السياقة فن، الادارة مش الادارة فن ادارة العلم،... ) إحنا النا تراثنا و أصالتنا بس هذول (أهل الفن) بالفترة الاخيرة اهم ناس ... ما شاء الله ... بعد التضييع و التمييع بصيروا سفراء جوع و سفراء امم منحازة و غيرها و كأنه فش في الأمة العربية من البحر الى النهر حدا ... اما إنا نصوت لسوبر دمار او سوبر حصار فهذا مستحيل ... و بعدان في قريب النا عامل حاله مسرحي اذا ما صوتنا له بزعل علينا ... و أختار هالمهنة على غيرها لانه بقول مهنة الفن و المسرحيات أفضل شيء و الفن مش الزمن بحل المشاكل و كل اشي في هالشعب بضحك ! الرياضة هي احسن حال من غيرها ولا تعليق هنا بكفي تأهلنا لكأس العالم مرة وحدي و طلعنا من الدور 64! ... اي احمدوا الله اللي صار عنا ملعب و صفارة و حكم ! و بلاش يا سيدي ليش مش أفضل جمهور ولا لانهم جماعة مش شخص؟ و ليش مش اللي أخترع فطبول الشرايط ... نسيتوه؟ الرياضيين في الوطن كثر و منهم طائرة و منهم ضاحية و منهم قدم و منهم ريشة و منهم جمباز ... الدكتور شارك بسباق المارثون أنا بقول انه أفضل واحد ... و بعدان اللي بجيب فرق عالمية على البلد و خلى صورتنا و صوتنا عالي احسن من غيره ... طيب ربيع او حسني ... فش حدا بسبقهم اذا هم أفضل شخصية رياضية ... بجوز أفضل شخصية رياضية اللي عبت صوره و التهاني تاعته صفحات الجرايد عشنه فاز في انتخابات و كولسات نادي شباب الخلايل ... من الاخر و باعتقادي مش راح تلقى حدا و بعدان هاض السؤال حيرني ... لانه النادي رئيسه سياسي و رئيس الرياضة سياسي و باعتقادي كمان في وزير للرياضة و ممكن اتكون افضل شخصية حكومية ... لانه احنا بعد العلم بنتعلم السياحة و التخباية و رياضة الهروب مش السباحة و الرماية و ركوب الخيل ... احنا صرنا ننزل عن الخيل ... شخصية اعلامية ... اه موجودة خاصة مع صيحات البرامج الاذاعية الطربية التي تذكرنا باهاتنا ... و أنا صرت أشك ... أنا بسمع لمحطة محلية وطنية ام لمحطة مزورة و شو هالاغاني هاي ... هز و لز و غز و دلع و ولع ... و دايما صوت حاتم و كاضم و عاصم و شمه و شوكة و شعلة ... طب وين القران ... أغاني القضية ... وين مواويل الزجل الشعبي... وين أغاني الدم و النار و الا ممنوعة أم السم كارد اللي على الاذن ما بتزبط عليها ... اقلكم فش شخصية اعلامية ... و بعدان مليانه البلد و من كثر ما فيها اعلاميين متفقيين على انتخابات نقابتهم ... لازم نختار أفضل شخصية إعلامية ... أما الاكاديميين فالناس هذه بنحترمهم على اختلاف مسمياتهم و من الالف الى الياء ... استاذ مدرسة بعلم الصف الاول الاساسي لغة عربية و بعلمو حب الوطن و طاعة الوالدين و بربيه منيح ...عنا أحسن من رئيس جامعة او معهد اللي البلاطين الساحلة عنده اكثر ... و اللي ما بمون يقص شعرات طالب ... و مرات كثيرة بغير طريقه عشان طلابه قاعديين (جالسيين) على الدرج ... و ممكن يتبهدل اذا ما رد على الجوال ... و كيف يعني شخصية أكاديمية ... طيب شو بعرف واحد قاعد في واد الخروب او في الجورة في محاضر او اكاديمي او مؤلف ... طب بتحدى اذا ابو ازتفتاء نفسه بعرف أسماء رؤساء المعاهد و الجامعات ... بلاش عمداء الكليات و رؤوساء الاقسام ... و بلاش الي في وزارة التربية ... مش أكاديميين برضو و الهم حق ... طب مش في مؤسسات كبيرة و أخرى صغيرة ... و يا سبحان الله قلة العلم واضحة برد يسالك مين افضل حزب سياسي ... يعني كأنه في حزب مش منيح بس رئيسه منيح و العكس بالعكس ... يا ترى لما الراعي أضيع نعجة بروح هو أدور عليها ام بروح استاذ أحياء؟ و أنا مالي في رئيس تحرير هو بدبر أمره ... أما الجواب كلمة وحدي ... الوحدة ... اللي بقدر يعملها هو أفضل حزب ... و الأحزاب عنا كثيرة ... خاصة حزب الخضرة و حزب العسرة و حزب العشرة و حزب بعبي باص و حزب ما بعبي تكسي و اشي لحاله و داري وين رايح و اشي معه الكل و مش داري وين رايح و اشي بيأكل عشان إعيش و اشي بعيش عشان ياكل... و كلاهما رايح يصدم بالجدار بالاخر ... و رايح ينسى القدس في المادة -أ- من ميثاقه الداخلي ...الخ.! و بالنسبة للمؤسسات الاهلية كلها منيحة و جيدة و خاصة الاوروبية و الامريكية و اليابانية ... و مع الوقت و من تقبلنا و تفاهتنا رايح أتصير صينية شوفني و هاي مساعدتي الك أو بطعمك و بسقيك في الحلم ... وأحسنهم خاصة اللي بقلك كنس باب دارك بطعمك... او سنسل سنسلتك بعطيك كيلو حمص و كيلو ملح ... و اللي أحسن اللي بعطيك دورة في المحاسبة و الادارة عشان بالاخر تعرف كيف تصنع مخلل او إرصيع او كيف تغسل رأسك ... لانهم عارفين فش اشي لا تحسبو ولا تديرو و بعرفوا كمان انه منتسبي الدورة من العاميين ...؟! و الشركة جاوبنا عليها ... بس بجوز اللي خسرت اكثر اشي من عام 2000 لليوم لانها راح اتكون اكثر وحدي وطنية... و بجوز شركة ابو غلى و ابو مفقود و ابو طحين تبقى احسن اشي ... مش هاك صار فينا اخر اشي! أفضل بلدية ... كل أهل بلد أصوتوا لبلدتهم و يبعثوا الوجهاء تاعونهم يستقتطبوا القرى و المخيمات و تجمعات البدو في الاغوار اللي عمرو ما حدا وصلهم منشان افوزوا ... و البلديات هل هي قانونية و اي بلديات اللي بتستورد الكهرباء من ازرائيل و الماء من مصلجة المياه و البلديات أنواع ... و أحزاب و ما حدا بتخلى عن أصحابه! و أفضل فريق رياضي وطني ... تسألش ... الشعب مقسوم و ما فش أمامه الا خيارين إما برشلونة او ريال مدريد ...و أكيد برشلونة راح أفوز لانه وطني ببحث عن استقلال قتالونيا زي هالشعب الغلبان!! و يا ريت هالاستفتاء سأل مين أفضل أسير ... مقاوم ... جائع ... مين في البلد اكثر شبعان أو عريان؟ لماذا لم يسأل من هي أفضل مشحمة او ملحمة او محمصة؟ لماذا نسي سائقي التكسيات؟ لماذا نسي بائعي الفلافل و نسي شخصية سمعه و غافل؟ لماذا لم يذكر ما هو أفضل مترجم و أفضل معلم و أفضل بائع متجول؟ و كيف وضع الاسئلة و من وضعها؟ و كيف صوت الناس و ما ذنب الذين لم يسعفهم الحظ في امتلاك جهاز حاسوب ليصوتوا؟ و هل كل هذه الهرولة وراء استفتاء ستأتي بالخير؟ و يا حسرة لماذا لم يسأل عن أجمل أو أقدس مدينة؟ لماذا الاستفتاء لم يضع شروطا او اسماءً و علينا ان نختار و نفكر و نجرب و نخرب و نفسر و ندمر؟ لماذا لم يسأل الاستفتاء عن الحصار؟ و لماذا غاب عنه سعر البندورة او الخيار او حتى الباذنجان اللي سعره رايح اصير بالعلالي و بالرغم من اني مبسوط لاني بدخنوش! و في النهاية الطويلة أتمنى ان تكون نتيجته خير ... و أن لا يؤدي الى استقالات او حماقات ... الخ ... و ما أحرجني و ذلني السؤال اللي بقول من هي أفضل شخصية في ال 48 ؟ ... الله أكبر صرنا نستحي نقول فلسطين ... طب فلسطين الداخل ... يا سيدي الجواب واضح ... و كل السياسين الفلسطينيين هناك أبطال و بنتمنى الهم الخير ... و دمتم من السالمين.