إبراهام !

بلادك شوارعهـا ورق والـدروب زحـام
وفيهـا الغلابـا سهـل جـدا تجمهـرهـا!
بها علية القـوم ابتنـت بـا لقصيـد خيـام
وسـوت معابـد للبشـر مـن حناجرهـا!
ظلال وهياكل مـن محابـر وروس اقـلام
وقـوم ظـلال اقلامهـا مـن محابـرهـا
وامامـك ملكـوت السمـاوات والاجـرام
اراك الله اكبـرهـا واراك الله اصغـرهـا
تفكر وقدر شـوف كـم نجـم كـان العـام
معلق على ابـراج السمـا ثـم غادرهـا !
لو ان القمر ربك سهـر مـا خذلـك ونـام
على شرفة الشمـس وتلحـف ظفايرهـا !
وش اللي ترجى من ورى القوم يا ابراهـام
بعد ما انكشف نمرود قومـك مـن ازرهـا
خذ الفأس واعف عن الشجر واكسر الاصنام
وحرر عقول النـاس والنـاس حررهـا !