أ

أ
ّّّّ
اخرج ..
للنور واتفجر ..
ف النور بركان
لملم كل حروف العطف ..
والضم عقد لبكرة
واياك تستسلم للاحزان
ابكى ..
علمنى بكاى ..
قد ايه صوته جميل ..
وحزين الناى
ابكى ..
بدموعك مهد طرق الفرح الجاى ..
واياك تقعد تحت حيطان اليأس ..
خايف م السجان
اصرخ ..
صحى البلد النايمة ..
تحت عباية الخوف
صحى الناس الميت ..
جوة قلوبها الشوف
صحى السيف لو تقدر ..
او حتى صلاح الدين ..
النايم زعلان
أحتد ..
على طرف صوابعك
بشويش
حاول ,, حاول مرة بجد
حاول مرة تنط السد
و تجرب طعم الزنزانة..
وريحيتها العفنة
وتعيش وتموت انسان
أكتب ..
كل تارخ القهر
اكتب بالصورة وبالصوت
وسيب لورثتك شئ يتسندوا عليه
غير القهر
وغير الموت
أقرأ ..
أكتب ..
أخرج ..
أبكى ..
أصرخ .. أحتد ..
واتأكد ..
أن المكتوب مكتوب