أول كلامي

 أول كلامي " شعر نادر الأسيوطي"

أول كلامي سجود

لربنا المعبود

شكر لنعم ياناس

كتير ما ليها حدود

تاني كلامي بصلي

علي النبي المتولي

اللي هدانا بفعله

وقوله صدق تمللي

بأكد وقول تالي

ومقولش وأنا مالي

اخوتنا ف حاجه لينا

سوداني أو صومالي

بعدنا كتير عنهم

واحنا يا ناس منهم

دار الزمان عليهم

فين العرب فينهم

قدم بإيدك اليوم

بكره حتلقي اللوم

سبت أخوك يموت

عربي يا عيب الشوم

بعد النهار ليل

ومسيرك تدوق الويل

انته ف حاجه ليهم

همه منابع النيل

شعر نادر الأسيوطي