أنا والقلم وهواك

بكيت آهات وألم

لما الحبيب سافر

وخاصم صوابعي القلم

وقال كلام سافر

قولت عيب يا قلم

وارجع تاني لبيتك

قلبي فيك انوجع

وأنا كنت حبيتك

قال القلم عمري

وشرطي يا حياتي

يرجع حبيب عمري

أرجع أنا لذاتي

لخص جنابه الحكاية

ووضح القصة

لكن يا ريت النهاية

ترق لي ببصه

قاللي الدنيا كده

ما تدي للعايز

وتاخد نقاط الرضا

وتخَسَر الفايز

وتجري حبيبي وراك

وتلف حواليك

لو يوم رمتها وراك

تقول شبيك لبيك

كلامه جاي علي الوجع

وارتحت لكلامه

صُوعُب عليّه الجدع

طَبِبْت له آلامه

نَسِيت أنا بلوتي

رقيت أنا لحاله

وكان القلم سلوتي

وسجلت مواله

شعر نادر الأسيوطي