أنا بخاف.. وإنتو..؟

قبل فترة وجيزة طلبت مني جريدتي باللغة الإنجليزية إنه اشتغل مجموعة من التقارير، ومن بينها تقرير كان بعنوان الخوف في غزة.. طبعا أن فكرت مليون مرة وقلت “خوف”، طيب يمكن لو أقعد مليون سنة ما بعمل هذا التقرير لأنه الشعب بيخافش..! بالآخر قلت بدي أجرب أعمل استطلاع صغير..!
سألت واحد صاحبي بقله بتخاف ؟ قال من شو أخاف..! قلتله من أي اشي..! قال لا لا أبدا..!
سألت واحد تاني عمرك خفت ؟ قلي ولا عمري بحياتي..! ولا مفكر أخاف، وليش أخاف..؟
سألت واحد بعرفه بتخاف..؟ قلي نعم يا حبيبي إيش بتقول إنت..! روح إحكي الكلام هذا لولد صغير مش إلي..!
سألت ولد صغير بتخاف..! قلي طخخخخ بإيده يعني أنا اللي بخوفك مش أنت اللي بتخوفني..!
سألت واحد قلتله بتخافش من حاجة..! قلي أبوي وهوا أبوي بخافش منه..!
بعد شوية قلي بس على فكرة أنا خايف من شغلة وحدة.. ! قلتله شو هيا..! قلي أنا خايف الحكومة تقطع راتبي..!
أنا بقول إنه الخوف شعور طبيعي، وما بينقص من قيمة الإنسان وقدرته وهيبته..! بالعكس الخوف مرتبط بالإحساس..! واللي ما بيخاف يبقى ما بيحس واللي ما بيحس بيكون مش إنسان..! وراح ييجيه يوم ويحس بالجوع والفقر، ويخاف على حاله وعلى أولاده..!
ومثل ما قال المثل العربي:: اللي ما بيخاف ما بيخوف..!

بالنسبة لبكرة شوو..!