أنا انسان

أنا انسان

انا انسان لاجماد ولا حيوان ولا حتى شىء مهمل اترمى فى اى مكان طول عمرى حاسس بكل انسان عايش زهقان او طقهان او حتى نادم على غلط ارتكبة وكان غير قصدة
انا انسان بيجى لى وقت اكون زهقان وكتير كنت لازم اضحك واخلى كل اللى حولى فرحان ما احنا بشر مشكلتنا ان عندنا احساس وكلامنا يوجع الراس وبنتكلم عن الناس ذى اى بشر سواء هنا او هناك او حتى بلاد الواك واك كلنا بشر بنشوف بنحس بتألم ممكن نعبر ونتكلم وممكن نكتم فى نفسنا ونعتم
انا انسان حاسس بدول البشر موظف تعبان او طفل عريان او ام مش لاقية حق اللبان وكل يوم بشوف بحث احيان كتير بتألم واحيان كتير بتندم واحيان ازعل انى موجود فى ها الدنيا وياريت اتعلم لكن الزمن بيجرى والعمر بيجرى والجسم اتملا مرض من رؤية انسان وانسان يمكن لو كنت قادر اسعد اى انسان كنت اكون فرحان لكن الايد قصيرة والعين بصيرة والحال على قد الحال واقول فى نفسى شعوبنا طيبة وكتير بتقدم لكن مهما كان عندهم مش هيكفوا اللى ما عندهم
بتمر حياتنا بحكايات وتخيلات واوهام وبنقول عليها امال وللاسف بنلاقى الاخر انها احلام بنعشها فى المنام وبنصحى ونغطى نفسنا لانى كنت نايم عريان ذى اول ما بنتخلق وبنموت بردة من غير حاجة تسترنا وتغطى جسمنا
انا انسان بتمنى اعيش انسان واموت انسان لان اليومين دول كتير بيموتوا بس للاسف بنطلق عيهم لفظ جبان
يا هل ترى هنفضل نتأثر ونعيش ونفسر وكل حياتنا اوهام فى اوهام ما هى دنيا بتعيشنا احزان فى احزان وبتخلى الغلبان بيظل غلبان انا انسان ايوة انا انسان لولازم اكون انسان لاجل ما اندم ولا يتقال عنى جبان لازم احس ولازم اتألم ولا زم اتكلم لانى لازم اكون فى الاخر انسان حتى لو مكانش معى مال ولا سيف سفيان
انا انسان وهاعيش انسان غصب عن اى احد وعمرى ما ها كون جبان هتكلم وهقول الصح واقول للغلط قف واتراجع واللى اخد المال وهرب او نصب على بنك والحقيقة سرق مالى ومالك ومال كل غلبان وهقول للصح ايوة ما هو لازم فية شىء صح والا كنا متنا من زمن وانتهت الارض وانتهى كل البشر لازم اكون انسان لازم اكون انسان