والله لو يدري الغالي عن أشواقي  

مااظن يترك حبيبه يحترق فيها
ولو ينظر لدمع عيني يحرق إحراقي

ماكان يترك غزير الدمع يشقيها
هذا اذا كان مازال الغلا باقي

والا ترى عفت انا الدنيا ومافيها

&&&&

 

العذاب بداخلي يكفي قبيلة

مادرى به غير قلبي والمحاني
أتقلب وسط ناره كل ليلة
حسبي الله من وسط جمره رماني
والفكر فارس تعب من سرج خيله

في مشاوير التعب يمه دعاني
الجوارح كلها جت تنتخي له
والجسد يشكي من هموم الزماني
أدعي الله في صلاتي كل ليلة

وأحمده وأشكره ... على اللي عطاني

 

&&&&

 

أنا بلايه كل ماضاقت الروح
تضيق دنيايه بواسع فضاها

همٍ سكن باالقلب مااظنه يروح
بأسباب ناسٍ قل فيها وفاها

أشوف همي بي من وين مااروح
والعين مزنٍ نثرت كل ماها

ويزيد همي كل ماقلت ابا ابوح
أخاف من بوحٍ يزايد عناها

حتى بشعر ماكان في ودي ابوح
لكن تضيق النفس عند إمتلاها