ألا ياوقـــــــــــــــت

ألا ياوقت..لوتصدق معي مافيك راحـة بـال
تمـوت النـاس والأمـال ماوفـت مطالبهـا

تحداني ظروفي معك واصبر والهمـوم اشكـال
وأضيق من المدينة.وأتّبع الاحـلام وأصحبهـآ

تعبت من السفر بين المحاني والـدروب طـوال
أشوف احلامي إللي عشتهآ واخاف لاأقربهـآ

تقهويت الصبر مـن دلـة الاحـلام والأمـال
وناري ماطفت.وضلوعي أبكت.. فاس حآطبهآ

آخال الغيمة إللي فوق وأغبط كل سرب خيّال
واشوف الارض من حولي تنادي في مناكبهـآ؟

أحس الارض من حولي عتب.واحقاد واستغلال
أدور فدآيـرة. وآمـال تتفـاوت واجانّبهـآ

وذي رابع سنة صابر وشوف الحال نفس الحال
اصدق ماحصل وأعيـد حسبتهـا وأكذبهـآ

وتاخذني الخطاوي تييّه.وأرقى بالهمـوم جبـال
وأحس إني قريب من السما لا جيت آخآطبهـآ

يسليني السحاب وبهرجة حلم وجفا ووصـال
وامد إيدي..جهل يم السحابه لجـل أدآعبهـآ

أحس فصمتها حكمة وأشوف فشكلها أستقلال
وأغآزلهـا وّلع..وتخيـل الكلمـات تطربهـآ

وأحس فبسمتي معها براءة وكتظـاظ أطفـال
وقول إن السكوت إللـي ملاهـأ مآينآسبهـآ

تفاجئني ملامحها وأشـوف فناظريهـا سـؤال
ولكـن المسافـة ماتساعـد لجـل أجآوبهـآ

أمل ماضن له فعيون صكات الزمـان إجـلال
وأنآ صابر معـه وأسـدد الخطـوة وأقاربهـآ

تعبت من السفر وحساسي المخنوق والترحـال
وتعبت أدور أطياف الأمآنـي وأتبـع أطيبهـآ

نعم رآبع سنة..وهموم صدري كايدات ثقـال
اشوف المأ..ظمآ..واقداحي أبكت فم شآربهـآ

ألا ليت الزمان يجود وألقى فيـه راحـة بـال
واشوف الغيم وآسلم..على الغيمـة وأنادبهـآ

واحاول في زماني ماأقتنع وأرضى بنفس الحـال
وأنادي أحلامي إلي عفتهـآ وحـآول أقربهـآ

وأنآ لو رآغني بعض السعد وآحفآني التجـوآل
وضاقـت دنيتـي وتنآشلتنـي فـي مخالبهـأ

اقول الوقت لو يصدق معي مآفيه راحـة بـال
تموت النـآس والآمـآل مآوفـت مطآلبهـآ