أغنية ليمان طره "كلمات نادر الأسيوطي"

 أغنية "لومان طره" كلمات نادر الأسيوطي

علي وزن أغنية فاطمه عيد

لومان يا لومان يا لوميه

السجن لَمْ الغولة وباقي شوية

لفتحلك السجون طُرية طُرية

وأقفلك السجون علي الحرمية

وأقولك الفلول تلعب شوية

اوعي المرتدة يا خوية والنفعية

لومان يا لومان يا لومية

طرة عصابة جامدة ومفترية

محاكمة العادلي ماشية بحنية

والظالم وولاده دول حرامية

وسياسته القديمة هيّه هيّه

نفسي في ثورة جديدة تكون قاضية

لومان يا لومان يا لوميه

القتل ويا النهب يا بلطجية

فلوسنا خدها الكلب وفين هيّه

دم خوتنا دا غالي عليّه

والفتنه دي عله لكن غبية

لومان يا لومان يا لوميه

الحل جهنم والنفس راضية

العدل مش السجن يا عنية

العدل هوه الشنق بالكلية

بشرط يكون جماعي ف علانيه

ودي مطالب عامه وثورية

لومان يا لومان يا لوميه

الله نصير الثورة المصرية

لفضحلك الفلول كل شويه

وأكشفلك المنهوب علي الفضائيه

وأقولك الدسايس فين هيّه

والكل يشوف خططهم الغبيه

لومان يا لومان يا لوميه

مصر حكمها شلة حراميه

كلمات نادر الأسيوطي