أغنية بعتبك

 أغنية بَعَتْبَك"شعر نادر الأسيوطي"

بعتبك بعتبك

لأني بحبك

وتايه في بُعدك

صالحني أوام

بعتبك بكلمه

ترد بكلمه

وكلمه في كلمه

يزيد الكلام

بعتبك وخايف

تزيد المخاوف

دا قلبي وشايف

كابوس في المنام

بعتبك حبيبي

تزود لهيبي

خلاص مش بإيدي

دا بعدك حرام

بعتبك ونغشك

وجر في شَكَلَك

و قلبي دا شَكْلَك

بينسي الخصام

بعتبك لأني

بحسك في دمي

ودا غصب عني

مَلَكْنِي الغرام

بعتبك وقرب

ومَيّل ما تهرب

دا قلبي مقرب

وباعت سلام