أخلوا سبيلي !

يا وادي الوصل انا عاشق وعابر سبيل
احبابه اخلوا سبيله في طرفك وعبر !

قل للرياح استريحي والشجر لا يميل
انا عن الريح والمقيال صارف نظر !

ما جيت ادور تحت بارد ظلالك مقيل
الهجر شمسه تسلل مع غصون الشجر!

لا نيب من اول يمرك وزاده قليل
ولا نيب من اخر يغادرك كله قهر!

من مخملي الانامل عسجدي الجديل
بي رمح بين الظلوع وطعنة فا الظهر!

تنبت يدينه حصى واعيش دور النخيل
تصعد خطاياه يمي واتساقط عذر!

بردان والجمر رمد في شفاه البخيل
صرت المس الجمر احسه ثلج ماهو جمر!

يا وادي الوصل في بطحاك قبل الرحيل
بنقش عبارة وللعشا ق تبقى اثر !
 

كنت اول المؤمنين بكذبة المستحيل
وصرت اخر المؤمنين اللي بما امن كفر!