أبو الهول و مشروع النهضة

السلامون عليكو يا با الحاج أبو الهول,
إزيك كيديه وازاي لحوال,
معلش آني عارف انك واخد عا خاطرك مني, من يوم ما جامت الجومة وآني مَ بجيش أزورك علاوليه.
غُوصب عني إي والنبي أصل الجماعة السلافية, ربونا يجعل كلامنا خفيف عليهم, جالوا إنك والعياز بالله م لصنام واللي يروح حداك يُبجا كافر والعياز بالله.
بس آني خليتهم متزعولين ف أُم الشيخ حازم ابوسِماعين واتسّحبت ع طراطيف صوابعي وجتلك دوغري.
آني جَريت ف الكتاب بتاع لخوان, كتاب النهضة ولا مؤاخذيه.
إيون .. والختمة الشريفة إسمه كيديه النهضة.
لا.. مش مساكن النهضة اللي ف المُجطم
لأ .. النهضة ديه زي الكتاب لخضر بتاع القذافي.
إيون ح يدرسوه ف المدارس ولازومن اللي عاوز ينجح ف السانوية العامة يحفظ خمس أجزاء م النهضة.
ما علينا, لخوان بيجولم ف الكتاب لخضر إن حتما ولابد ولازوما يبجا فيه سياحة ف البلد لزوم النهضة يعني.
آني جُلت أجيلك واجعد وياك أفطمك .. يمكن يبعتولك الترومبيل- ال بي ام دوغري - بتاع الكتاتني أفندي عشان ياخدك تجابل أبويا الحاج المرشد يتحدت وياك ف السياحة.
أول ما تُجعد وياه تجوله بالفُم المليان.. آني مش صنم ولا ليا صالح باللات والعوزية, آني إبن مصر وبجالي سبع تلاف سنة شغال غفير ببلاش حيداكم, ومش ح اشتغل بعد كيديه إلا لما تحوش عني الجماعة السلافيين, لحسن ومجام سيدي خوفو الكبير أسيب لكم البلد كُلاتها وألف بلد تتمناني.
إيون .. خشن له, هُمن هلوجتي اللي محتاجينك عشان السياحة اللي ف الكتاب لخضر بتاعهم, ولما بيعوزوا نفر بيلحسوه لحس, ودول يومينك إتبغدد فيهم براحتك جبْل ما يطلعولهم كتاب تاني إحمر واللا إزرج.
إيون نهضة كوم عند كوم فوائدن.
إزيك بجا.
أستر عالنهضة بتاعت لخوان يارب.

مجدي المصري