أبو الهول و المرشيدس

من غير السلامون عليكوم يابا الحاج أبو الهول يا فستوك ..
إيوه إيوه إعمل روحك مش عارف وبراءه العيال ف عينتينك د إنت فضيحتك و جورستك بَجَت بجلاجل ف البلد كُلاتها ..
إلا جوللي .. لما إنت صاحب البهوات لمريكان كُلاتهُم من أول البيه باراك أوساما رئيس الجمهوريه والست هرري كِلِتّون وزيره الخارجيه حتي الست الحاجه أم جونسون السفيره اللي حيدانا ف مصر .. كُلاتهُم صحابك أمال م ستروش عليك ليه ..؟
ونازلين تجريس فيك ف أمريكه كُلاتها .. والجرايد لمريكاني كُلاتها بتجول أبو الهول بتاع مصر خد رشوه عربيه مرشيدس مفتخريه إس جِللِه بالمكيف وخد كمان شنطتين واحديه مليانه دوررات وواحديه مليانيه روروهات من شركت مرشيدس فينز ..
إيويه والنبي لو حلفت علي أيمانات المسلمين كُلاتها محدش ح يسدأك علاوليه ..
الناس كُلاتها ف البلد شافوك راكب المرشيدس ورايح جاي ع السكه الزراعيه وبالأماره كنت مشغل التسجيل علي إغنيه الست أم كلسون وهي بتجول كان صرحا من خيالن فهوا ..
إيويه هوا من كوتر الرشاوي اللي نازله ترف إشي دوررات وإشي روروهات علي كُلِّتها لون ..
لا .. الناس بتجول إن الحكومِه مش مِصدَجه الجماعه لمريكان علاوليه وبتجول أبو الهول برئ وديان مؤامريه عشان شركه الخواجه فورت حيداها عربيات فورت وعايزه تبيعها ف مصر ..
لا .. الحكومه جالت والنبي وم نبا النبي نبي أبو الهول ديه راجل محترم وعمره م مد إيده علي جِرش حرام ..
وجالت الموضوع كُلاته إن أبو الهول كان حيداه عيد ميلاده وكان عامل حفله كبيره والناس كُلاتها مصريين وأجانب كانت جايه تبارك وتهني وكل نفر كان جايب ف إيده هديه بالمناسبه الميمونيه .. إشي مرشيدس وإشي بيجو وإشي حته أرض مباني وإشي فيللا ..
وفيه ناس والنبي بتتوه تجيب إيه .. جوم الناس تجول أحسن نديله فلوس وهون يختار هديته بنفسه .. يعني كل نفر يديله شنطه دوررات واللا روروهات أي والنبي ..
والنبي جِبِل الهديه يعني الناس كُلاتها تجبل هدايا ف عيد ميلادها والبيه أبو الهول ما يجبلشي هدايا ..؟
هون أبو الهول ديه شخ عليه الغراب والا شخ عليه الغراب ...
أستر ع الغراب يارب
مجدي المصري