أبواب الميدان نادر الأسيوطي

أبواب الميدان كلمات نادر الأسيوطي

أبواب قلوب الميدان متفتحة دوغري

فاتحة دراعها وأحضانها متجملة تِغري

ملايين من الشعب دا اتعلق بأوصالها

وكل من زارها قال دا حلمي من صُغري

ابواب عليها الرجال حراس م الجنة

سلاحهم تقوي وايمان وخدينه م السنه

صدورهم تحضن رصاص ودمهم حنة

يفدوا بلدهم بالنفوس ودمهم يجري

ميدان وطاير بأبوابه من تحت لفوق

شهداء وملايكة يتهادوا لأجل انت تفوق

ملايكة تمشي علي الساحة وكلها ذوق

جنود باعتهم المولي من قبلي وبحري

ابواب بتحضن وتسلم بسمة ورسمه

لسان قلوبها بيتكلم شوقه ولهفه

أبواب بتحمي زوارها من شر اللفحه

فداكي روحي يا بلادي انتي عمري

كلمات نادر الأسيوطي