اه يااخت دميانة:

حول قضية الاخت دميانة
المتهمة(زورا)بازدراء الأديان:
------------
اه ياأخت دميانة ...
أقول ليه بلادنا خربانة ...
اه ياأخت دميانة ...
أقول ليه مصر وبلاد المسلمين تيهانة...
أتارى ياأختى السبب (أنت)....
أقول ليه ياأخت دميانة ...
احنا متخلفين عن ركب الحضارة ...
ليه ياأختى قلوبناسودة غدارة...
أتارى السسبب (أنت)...
أقول ليه الصراع بين القبايل
ليه الدم فى كل بيت سايل
والتار صار فى كل بيت ..
أتارى السسبب (أنت)...
أقول ليه الكهربا بتنقطع
ليلاتى ايام الامتحانات
واثناء خروج البنات
فى الشوارع
ويكثر الهمز واللمز
باللمسات..والغمزات
أتارى ياأختى
السبب (أنت)...
أقول ليه المجارى طافحة فى الشوارع
وحولت دنيا الربيع ذات الجو البديع
من بمبى بمبى الى أسودنجى أسودنجى
برائحة القرفنجى ..
أتارى ياأختى
السبب (أنت )..
أقول ايه وأعيد ايه
يازمن العجايب حتى العدل أصبح فيه
غريب وفيه قرايب ..
أتارى ياأخت(دميانة)
السبب (أنت)
اه ياأخت (دميانة)لو مكنتيش (أزدريتى)الأديان
كان زمان أحنا اخترعنا بدل النيل (نيلين)
ويمكن كما (نيلتين)
علينا وعلى بلاد العجايب.
-------------
محمداحمدخليل حسب الله.
الشربينى الاقصرى.
مصر/الاقصر/الكرنك القديم .
شاهد الموضوع الأصلي من الأقباط متحدون في الرابط التالي http://www.copts-united.com/Article.php?I=1565&A=95112