يا دنيا ليه حالك كده

ماشية معانا بالعكس

إن قولنا يوم هنول الرضا

نلاقى حالك بقى بؤس

وعلشان نوصل لجنتك

لازم نزود حبة غش

ونزوقها بكوكتيل نفاق

وبسمة فوق الوش

وكل يوم لازم نلبس

قناع مطرز بالكدب

ولو قلنا الحقيقة ننداس

ويقولوا أخص عليكم أخص

أصل ده زمن الدجال

علشان نظهر فيه لازم

نبوس فى اليوم مليون رجل

صدقونا بنقولكم دى وصفة شفناها

ومن خيبتنا عمرنا ما جربانها

أيه رأيكم يا اللى معانا

مش أحسن نقول للدنيا

أنتى عمرك ما هتبقى على هوانا