آآآآآه يا ليبيا يا امنايا... هل توافقوني الرأي!!؟

آآآآه يا ليبيا يا امناااااااااااااايا 

هل توافقوني الرأي!!؟  

ليبيا يا امنايا  

أريدها ليبيا واحدة 

والله لن يهون عليّ شبرا واحد من أرضها الغالية الحبيبة 

أريد أن أصحى على شقشقة عصافير الخمس

وأفطر على بسيسة زوارة

وأقطف الأزهار من المرج

وأدفئ جسمي (عظامي) بقصب مصراتة وبخبزة تنورها

وأشرب قهوتي في البيضاء

و اتمشى في شوارع طرابلس
وأمتع عيني بشلال ترهونة

وأتغدى على فتات ودان

وانعدي غداي بلبن سوكنة

وأتكيف بشاهي الزاوية

واسترخى قيلولتي في الزنتان والجبل الغربي 
وأتزين بزي غدامس

ونهدرز عشيتي مع أهلنا في ورفلة

وأطرب نفسي على دق طبل هون

واتفسح على سفوح الجبل الأخضر

وأظلل تحت نخيل زليطن

وأشم ياسمين درنة

وأزهي خاطري بأشعار أجدابيا
وأسمعها تحت شجر زيتون مسلاتة

واتسبح في بحر طبرق

وأتمدد تحت شمس الكفرة
وأرقص على دقة دفوف غات
وأمتطي جواد من جياد صبراتة وصرمان

واتعشى بازين غريان

وأرتوى بلاقبي سبها

وانحلي بدقلة الشاطئ واوجلة

وأنام في أحضان بنغازي الدافئة الحنونة

 

آآآآآآآآه يا ليبيا يا أمنااااااااايا