:بندارى والحاجة امانى :

النهارده عندى حكاية بتحصل فى كل مكان

دى حكاية ابن وام يتمناها اى انسان

بندارى وامه امانى وازاى صبروا على الزمان

كان بندارى واد مليان

كان عايش كدا عدمان

كان بيحب النوم والاكل

اما حياته ففى النسيان

اما امانى فأم عظيمة حقها تبقى نجمة سيما

كانت تشقى الام الجامده وابنها كان يا ولداه

مش شغال وكان عمال ينام ويقوم

ولا كأن الدنيا فارقه معاه

وفى يوم تعبت الست امانى وبندارى الخيبه وراه

مش عارف يعمل ايه او حتى يداويها ازاى

وياعينى ماتت الست امانى من قلة الحيله يا ولداه

شوفتوا صاحبنا بندارى بعد موت امه هيعمل ايه

مشى فى الشارع مشى كدا تايه والحزن باين عليه

مشى يصرخ وينادى على امانى والدموع بتملا عنيه

وفى يوم قابل راجل طيب ياما امانى من خدمات عملت وياه

قاله مد ايدك جوه ايدى ويلا بينا على الكفاح

دا انتا تملك قوة وعقل يأكلوك شهد وتفاح

كان بندارى كدا مستغرب اول مره هيشقى بجد

بس كان عدمان ولازم للجوع يوضع حد

وبكدا بندارى دخل دنيا جديده

يمكن يكون له نهاية سعيد

اما امانى ربنا معاها

ويجمل اخرتها

ويعوضها عن دنياها