الياسمينة الحزينة ،، للشاعرة السورية نهلة عنان بدور

على أمها.. دبلانة
صبح ومَسَا زعلانة
من هالدني زهقانة
وضايعة ... بالمدينة

شو اشتاقت للأفراح
شو حلمِتْ أنها ترتاح
والهَمّ ما عاد .. ينزاح
وقَصِّتْ .... هالجَديلة

ضاع الهَنَا ... وزَرَعهَا
بالسرادِبْ .... ضَيَّعهَا
راح ... وما.... وَدَّعْهَا
وبقيِتْ تبكي الحَزينة

وماتِتْ .... الياسمينة
بشَوارِع .. ..المدينة
واتكَسَّرِتْ أغصانها
وما باليد .... حيلة

وسَكْتِتْ ... الحزينة
وبكيِتْ .... المدينة
بشوارِع ... غريبة
وساحة ... بلا زينِة

وياسمينة ..حزينة
ماتِتْ .... بِمَطرَحها
بأحزانها ..الدَّفينة
ماتِتْ من ... البرد
بشوارِع ... المدينة

الشاعرة العربية السورية نهلة عنان بدور