مواضيع اليوم

درب السيال - قصيدة من كلماتى

أحمد أدم حسن

2017-01-08 10:05:39

0

درب السيال جايب معاه اقداره
في السوق الكبير قلبي ولعت ناره
الجدي السميح رماني بي نباله
والقلب الرهيف كترت عليه اهواله


بفتش في الخلوق عن وجوه معروفة
لكن وش القمر منع عيوني الشوفة
قوام النخيل و مشيتها الموزونة
خشيم العنب و عيون ساحرة حنونة


سالت عليها و جابو لي وصوفها
بت الكرام و الاخلاق معروفة
ست الاحترام شبه مكملة موصوفها
الدروب ليها صعيبة وابدا م مرصوفة


جيتك عدييل ماني لاعب و ساير
يا ضو القمر في الضلمات ناير
قليبي اصبح في حسنك حاير
ربي تم مرادي و ابقي ليها مجاور


رحلت بعيد و ذدت في آلامي
ست الحسان ام طريف سامي
عايز اقولها من جواي كلامي
وكان غلبت باكر بجيب ل محامي


القدر الحسود سالل علي سيوفه
بوجه القبيح طلع علي مدسوسه
مكتوب في الازل حرام علي ملموسه
الا في الاحلام بقدر اجيب موصوفه


@@

أحمد حسن



التعليقات (0)

أضف تعليق


الشبكات الإجتماعية

تابعونـا على :

آخر الأخبار من إيلاف

إقرأ المزيــد من الأخبـار..

فيديوهاتي

عذراً... لم يقوم المدون برفع أي فيديو !